Hayotiy faoliyat xavfsizligi kafedrasining ta’rixi

HAYOTIY FAOLIYAT XAVFSIZLIGI KAFEDRASINING TA’RIXI
Mazkur kafedra 1991 yilda tashkil etilgan. Kafedrada 1991 yildan boshlab respublikamizda ilk bor ”Atrof-muhitni muhofaza qilish va tabiiy resurslardan oqilona foydalanish” ixtisosligi bo‘yicha etuk muhandis-ekolog-texnolog kadrlar tayyorlangan. 1997 yilning may oyidan kafedra «Ekologiya va kimyo» nomi bilan atalgan. Kafedrada yangi «Kimyoviy texnologiya va biotexnologiya» bakalavriat ta’lim yo‘nalishi ochilishi munosabati bilan ”Atrof-muhitni muhofaza qilish va tabiiy resurslardan oqilona foydalanish” ixtisosligi yopilgan. Institut Ilmiy kengashining 1997 yil 19-maydagi 74-sonli qaroriga binoan «Ekologiya va kimyo» kafedrasidan «Kimyoviy texnologiya va biotexnologiya» ta’lim yo‘nalishi ajralib chiqqan. Institut ilmiy kengashining 1998 yil 18-dekabrdagi 77-sonli qaroriga asosan «Ekologiya va kimyo» kafedrasi «Atrof-muhitni himoya qilish» kafedrasiga aylantirilgan.
O‘zbekiston Respublikasi oliy va o‘rta maxsus ta’lim Vazirligi va O‘zbekiston Respublikasi mehnat vazirligining 1 mart 2000 yildagi 62- va 407/04-2-sonli «Viloyatlar va Toshkent shahar oliy ta’lim muassasalarida mehnatni muhofaza qilish kursi bo‘yicha talabalarni o‘qitish holati va uni yaxshilash chora-tadbirlari haqida»gi buyrug‘ini bajarish maqsadida hamda institut ilmiy kengashining 2000 yil 3- apreldagi 90-sonli buyrug‘iga binoan «Atrof-muhitni himoya qilish» kafedrasining nomi «Ekologiya va mehnat muhofazasi» kafedrasiga o‘zgartirilgan. Kafedrada 1999 yildan 2003 yilga kadar 5A 850102- «Atrof-muhitni himoya qilish va tabiiy manbaalardan oqilona foydalanish» mutaxassisligi bo‘yicha magistrlar tayyorlangan.
2015 yildan boshlab kafedraning nomi “Hayotiy faoliyat xavfsizligi” deb belgilandi.
Kafedra professor-o‘qituvchilari institut bo‘yicha barcha ta’lim yo‘nalishlariga “Ekologiya”, “Hayot faoliyati xavfsizligi” va “Favqulodda vaziyatlar va fuqaro muhofazasi” fanlaridan dars berish bilan birga kafedra tasarrufida 5850100-Ekologiya va atrof-muhit muhofazasi(tarmoqlar bo‘yicha) ta’lim yo‘nalishi bo‘yicha ta’lim olayotgan talabalarga ixtisoslik fanlaridan mashg‘ulotlar olib borilgan.
2019-2020 o‘quv yilidan boshlab kafedrada “Mehnat muhofazasi va texnika xavfsizligi” bakalavriat ta’lim yo‘nalishi ochildi. Бутаълим йўналишига 2019-2020 ўқув йилида 25 нафар абитуриент талабаликка қабул қилинди. 2020-2021 ў йилида эса 50 нафар талаба қабул килиш назарда тутилган.
Шунингдек 2020-2021 ўқув йили учун “Экология ва атроф муҳит муҳофазаси” таълим йуналиши очилиб 25 нафар абитуриент талабаликка қабул қилинади.
Mutaxassislikni tamomlagan talabalarning sohani rivojlantirishda erishgan yutuqlari va xalq xo’jaligiga qo’shgan xissalari
Institutimizni mutaxassislik va ixtisoslik yo‘nalishlarini bitirgan talabalarimiz mamlakatimizning turli sohalarida mehnat qilmoqdalar. Masalan:
-viloyat hokimi, tuman hokimi va hokazo;
-fan doktorlari, fan nomzodlari bo‘lib institut, universitet va malaka oshirish institutlarida faoliyat olib bormoqdalar;
-korxona rahbarlari, boshqarma boshliqlari, ichki ishlar boshqarmasi boshliqlari, muovinlari – polkovnik, podpolkovnik va hokazo unvonli xodimlar;
-OO‘MTVaziri o‘rinbosari;
-viloyat YOshlar ittifoqi kengashi raisi;
-ekologiya va atrof-muhitni muhofaza qilish viloyat qo‘mitasi raisi;
-viloyat banki rahbarlari;
-viloyat soliq boshqarmasi boshlig‘i;
-qurilish boshqarmasi boshlig‘i kabi lavozimlarda ishlab, davlatimiz, xalqimiz ravnaq topishiga o‘zlarining hissalarini qo‘shib kelmoqdalar.
Asosiy adabiyotlar
1.A. Mark, P. Friend James Fundamentals of Occupational Safety and Health. Bernan Press. Germaniya, 2007
2. YUldashev O.R. Mehnat muhofazasi maxsus kursi./ Darslik. –T.: “Tafakkur qanoti”, 2015. – 336 b.
3.E.I.Ibragimov, S.Gazinazarova, O.R.YUldashev. Mehnat muhofazasi maxsus kursi. Darslik.-T.: TIMI, 2014.-536 b.
4.O.R.YUldashev, SH.G.Djabborova, O.T.Xasanova. Hayot faoliyati xavfsizligi. Darslik–T.:“Toshkent-Iqtisodiyot”,2014.– 268 b.
5.YOrmatov G‘.YO. va boshqalar. Hayot faoliyati xavfsizligi. –T.: “Aloqachi”, 2009. – 348 b.
6.Tursunov Y., Usmanova M. Mehnat huquqi.Darslik - Toshkent, “Moliya”, 2001, 227-b