[
OKOZ:
1.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni ta’minlash / 11.02.04.00 Muhofaza qilinadigan tabiiy hududlar / 11.02.04.02 Davlat qo‘riqxonalari. Kompleks (landshaft) buyurtmali qo‘riqxonalar]
[
TSZ:
1.Tabiiy resurslar / Atrof tabiiy muhitni muhofaza qilish]
O‘zbekiston Respublikasi
Vazirlar Mahkamasining
qarori
Hisor davlat qo‘riqxonasining qo‘riqlanma zonasini belgilash chora-tadbirlari to‘g‘risida
“Muhofaza etiladigan tabiiy hududlar to‘g‘risida”gi O‘zbekiston Respublikasi Qonuniga muvofiq, shuningdek, O‘zbekiston Respublikasi Prezidentining “Muhofaza etiladigan tabiiy hududlar sohasida davlat boshqaruvi tizimini takomillashtirish chora-tadbirlari to‘g‘risida” 2019-yil 20-martdagi PQ-4247-son qarori ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Ekologiya va atrof muhitni muhofaza qilish davlat qo‘mitasi hamda Qashqadaryo viloyati hokimligining:
Hisor davlat qo‘riqxonasining (keyingi o‘rinlarda qo‘riqxona deb ataladi) unga tutash hududlardagi umumiy yer maydoni 11 231,3 gektar bo‘lgan qo‘riqlanma zonasini 1-ilovaga muvofiq belgilash;
umumiy yer maydoni 2 000,0 gektar bo‘lgan
Hazrati Sulton platosi, Suvtushar daryosining bir qismi (keyingi o‘rinlarda Suvtushar sharsharasi deb ataladi), dinozavr izlari va Amir Temur g‘ori obyektlarini qo‘riqxona hududidan uning qo‘riqlanma zonasiga 2-ilovaga muvofiq o‘tkazish to‘g‘risidagi taklifiga rozilik berilsin.
2. Belgilansinki:
qo‘riqxonaning qo‘riqlanma zonasidagi yerlar ushbu zonalarda joylashgan yer egalari, yerdan foydalanuvchilar va
ijarachilar ixtiyorida qoladi;
qo‘riqxona hududidan uning qo‘riqlanma zonasiga 2-ilovaga muvofiq o‘tkaziladigan obyektlar mazkur qo‘riqxonaning doimiy foydalanishida qoldiriladi.
3. O‘zbekiston Respublikasi Turizmni rivojlantirish davlat qo‘mitasi Ekologiya va atrof muhitni muhofaza qilish davlat qo‘mitasi bilan birgalikda Hazrati Sulton platosi,
Suvtushar sharsharasi, dinozavr izlari va Amir Temur g‘ori obyektlarida ziyorat turizmi va ekologik turizmni tashkil qilish uchun zarur infratuzilmani yaratishga investorlarni,
shu jumladan, davlat-xususiy sheriklik loyihalari asosida jalb qilish choralarini ko‘rsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari A.J. Ramatov va O‘zbekiston Respublikasi Ekologiya va atrof muhitni muhofaza qilish davlat qo‘mitasi raisi B.T. Qo‘chqorov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2020-yil 18-fevral,
94-son
Vazirlar Mahkamasining 2020-yil 18-fevraldagi 94-son qaroriga
1-ILOVA
Hisor davlat qo‘riqxonasining qo‘riqlanma zonasi
MAYDONI