O‘zbekiston Respublikasi
Vazirlar Mahkamasining
qarori
O‘zbekiston Respublikasi mustaqilligining 10 yilligini nishonlashga tayyorgarlik ko‘rish va uni o‘tkazish to‘g‘risida
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Mustaqillik xalqimizning XX asr so‘ngida qo‘lga kiritgan ulkan tarixiy g‘alabasi ekanini, o‘n yillik mustaqil taraqqiyot hayotimizda alohida bosqich, yangi bir davr bo‘lib qolishini nazarda tutib, qutlug‘ an’anaga aylanib qolgan eng ulug‘, eng aziz bayramimiz — istiqlol ayyomini keng nishonlash yurtdoshlarimizning ijtimoiy-siyosiy, ma’naviy tafakkurini yuksaltirishda, oldimizda turgan buyuk maqsadlar sari safarbar qilishda beqiyos ahamiyat kasb etishini, istiqbol rejalarini ana shu haqiqatni chuqur anglash asosida belgilash zaruratini inobatga olib, Vazirlar Mahkamasi qaror qiladi:
1. O‘zbekiston Respublikasi mustaqilligining 10 yilligini nishonlashga tayyorgarlik ko‘rish va uni o‘tkazish respublika komissiyasi tarkibi 1-ilovaga muvofiq tasdiqlansin.
2. O‘zbekiston davlat mustaqilligining 10 yilligini keng nishonlash bo‘yicha dastur 2-ilovaga muvofiq tasdiqlansin.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirlik, idora, uyushma va jamg‘armalar mazkur dastur asosida tegishli ma’naviy madaniy, ma’rifiy tadbirlar rejasini ishlab chiqsin va o‘n kun muddatda Vazirlar Mahkamasiga kiritsin.
4. O‘zbek
milliy davlatchiligi tarixini, uning taraqqiyot bosqichlari hamda ilmiy-nazariy masalalarini o‘rganish borasidagi ishlarni muvofiqlashtirish bo‘yicha maxsus ishchi guruhi tarkibi 3-ilovaga binoan tasdiqlansin.
Quyidagilar ishchi guruhining asosiy vazifasi etib belgilansin:
milliy davlatchiligimizning ko‘p ming yillik tarixini, mustaqillik yillarida uning negizida tiklangan zamonaviy o‘zbek davlatchiligining o‘ziga xos taraqqiyot tamoyillari, jamiyatimizning pirovard maqsadlarini ilmiy-nazariy jihatdan asoslab berish, buyuk ajdodlarimizning dunyo ilm-fani va madaniyati rivojiga qo‘shgan bebaho hissasini, ular yaratgan falsafiy ta’limotlarni o‘rganish va zarur xulosa va saboqlar chiqarish;
mustaqillik o‘z-o‘zidan kelmaganini, ozodlik yo‘lida ota-bobolarimiz asrlar davomida kurash olib borganini milliy istiqlol g‘oyasi asosida fuqarolarimiz, ayniqsa, yoshlarimiz ongiga singdirish;
yoshlar qalbida buyuk ajdodlarimiz tomonidan yaratilgan boy ilmiy-madaniy merosga vorislik va iftixor tuyg‘ularini uyg‘otish, milliy va umumbashariy qadriyatlar uyg‘unligiga erishish, jamiyatimizda turli millat vakillari o‘rtasida o‘zaro hamjihatlik,
totuvlik, diniy bag‘rikenglik muhitini qaror toptirish borasidagi amaliy ishlar mazmunini keng tahlil etish;
istiqlol sharofati bilan xalqimizning bunyodkorlik salohiyati tom ma’noda yuzaga chiqqanini, xalq xo‘jaligining barcha sohalarida salmoqli yutuqlarga erishilganini, erkin va farovon hayot barpo etish, barkamol avlodni voyaga yetkazish maqsadida amalga oshirilayotgan ulkan ishlar Vatanimizning dunyo hamjamiyatidan o‘ziga munosib o‘rin egallashiga xizmat qilishini chuqur asoslab berish.
5. O‘zbekiston Davlat matbuot qo‘mitasi, “O‘zteleradio” kompaniyasi, O‘zbekiston Milliy axborot agentligi (O‘zA), “Jahon” axborot agentligi va boshqa ommaviy axborot vositalariga mustaqillikning 10 yilligi bayramiga tayyorgarlik ko‘rish bo‘yicha amalga oshirilayotgan ishlarni keng va muntazam ravishda yoritib borish tavsiya etilsin.
6. Belgilab qo‘yilsinki, o‘tkaziladigan bayram tadbirlari:
Qoraqalpog‘iston Respublikasi va viloyatlarda mahalliy budjetlar hamda joylardagi ishlab chiqarish korxonalari, xo‘jaliklar, jamg‘armalar hisobidan;
Toshkent shahrida respublika budjeti va Toshkent shahar mahalliy budjeti mablag‘lari hisobidan teng ulushlarda qoplanadi.
7. Mazkur qaror ijrosini nazorat qilish O‘zbekiston Respublikasi Bosh vazirining o‘rinbosari H. Karomatov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2001-yil 19-yanvar,
40-son
Vazirlar Mahkamasining
2001-yil 19-yanvardagi
40-son qaroriga
1-ILOVA
Mustaqillikning 10 yilligini nishonlashga tayyorgarlik ko‘rish va uni o‘tkazish bo‘yicha
respublika komissiyasi
tarkibi
H. Karomatov
|
O‘zbekiston Respublikasi Bosh vaziri o‘rinbosari, komissiya raisi
|
T. Alimov
|
O‘zbekiston Respublikasi Prezidentining Davlat maslahatchisi
|
A. Meliboyev
|
O‘zbekiston Respublikasi Prezidentining Davlat maslahatchisi
|
X. Sultonov
|
O‘zbekiston Respublikasi Prezidentining Davlat maslahatchisi
|
X. Jo‘rayev
|
Madaniyat ishlari vaziri, komissiya raisi o‘rinbosari
|
K. To‘laganov
|
Toshkent shahar hokimi, komissiya raisi o‘rinbosari
|
B. Shodiyev
|
Vazirlar Mahkamasi huzuridagi Bayram va yubiley tadbirlarini o‘tkazish direksiyasi rahbari, komissiya mas’ul kotibi
|
Sh. Abdullayev
|
Moliya vaziri o‘rinbosari
|
F. Abdullayev
|
Pochta va telekommunikatsiyalar agentligi bosh direktori
|
R. Abdullayev
|
Kompozitorlar uyushmasi raisi
|
A. Boliyev
|
Respublika “Ma’naviyat va ma’rifat” kengashi mas’ul kotibi
|
M. Bekjonov
|
“O‘zbekbirlashuv” kompaniyasi raisi
|
E. Boqiboyev
|
“Nuroniy” jamg‘armasi raisi
|
E. Vohidov
|
O‘zbekiston xalq shoiri
|
A. Jabborov
|
“O‘zbeknavo” gastrol-konsert birlashmasi rahbari
|
Sh. Jalilov
|
“Mahalla” xayriya jamg‘armasi raisi
|
R. Jo‘rayev
|
Xalq ta’limi vaziri
|
D. Jahongirova
|
Respublika Kasaba uyushmalari Federatsiyasi Kengashi raisi
|
A. Islomov
|
Mudofaa vaziri o‘rinbosari
|
Y. Ismatova
|
“O‘zbekraqs” birlashmasi bosh direktori
|
B. Yo‘ldoshev
|
Fanlar akademiyasi prezidenti
|
B. Yo‘ldoshev
|
O‘zbekiston xalq artisti, rejissor
|
A. Ko‘chimov
|
“O‘zteleradio” kompaniyasi raisi
|
B. Mahsitov
|
Davlat jismoniy tarbiya va sport qo‘mitasi raisi
|
E. Mustafoyev
|
Tashqi ishlar vazirining birinchi o‘rinbosari
|
M. Muhammad Do‘st
|
O‘zbekiston Milliy axborot agentligi bosh direktori
|
M. Yusuf
|
O‘zbekiston xalq shoiri
|
A. Nazarov
|
O‘zbekiston Respublikasi san’at arbobi, kompozitor
|
F. Nazirov
|
Sog‘liqni saqlash vaziri
|
A. Oripov
|
O‘zbekiston Yozu�chilar uyushmasi raisi
|
O‘. Komilov
|
Davlat bojxona qo‘mitasi raisi
|
B. Parpiyev
|
Ichki ishlar vaziri o‘rinbosari
|
K. Rasulov
|
Respublika baynalmilal madaniyat markazi raisi
|
Sh. Minavvarov
|
O‘zbekiston Respublikasi Vazirlar Mahkamasi huzuridagi Diniy ishlar qo‘mitasi raisining o‘rinbosari
|
A. Usmonov
|
“Xalq so‘zi” — “Narodnoye slovo” gazetalari bosh muharriri
|
Y. Usmonova
|
O‘zbekiston xalq artisti
|
B. Pensov
|
“O‘zbeksavdo” aksiyadorlik kompaniyasi raisi o‘rinbosari
|
R. Fayzullayev
|
“Toshshaharyo‘lovchitrans” davlat uyushmasi raisi
|
B. Xo‘jayev
|
Davlat soliq qo‘mitasi raisi
|
Y. Sharonov
|
“O‘zulgurjibirjasavdo” uyushmasi raisi
|
R. Shog‘ulomov
|
Davlat matbuot qo‘mitasi raisi
|
K. Yusupov
|
“Kamolot” jamg‘armasi raisi
|
S. G‘ulomov
|
Oliy va o‘rta maxsus ta’lim vaziri
|
E. G‘aniyev
|
Tashqi iqtisodiy aloqalar vaziri
|
B. Husanboyev
|
“O‘zbekturizm” milliy kompaniyasi raisi
|
R. Hamidov
|
Toshkent shahar madaniyat ishlari Bosh boshqarmasi boshlig‘i, rejissor
|
Qoraqalpog‘iston Respublikasi Vazirlar Kengashi raisi va viloyatlar hokimlari
|
Eslatma: tashkiliy qo‘mita tarkibiga kirgan shaxslar boshqa ishga o‘tgan taqdirda ularning o‘rniga tayinlangan shaxs tashkiliy qo‘mitaga bevosita a’zo bo‘ladi.
Vazirlar Mahkamasining
2001-yil 19-yanvardagi
40-son qaroriga
2-ILOVA
O‘zbekiston Respublikasi mustaqilligining 10 yilligi bayramiga tayyorgarlik ko‘rish va uni
o‘tkazish bo‘yicha amalga oshiriladigan madaniy-ma’rifiy yo‘nalishdagi tadbirlar
dasturi