1-oktabr -ustoz va murabbiylar kuni

Andijon viloyati Andijon tumani
XTB qarashli 13-umumiy o’rta
ta’lim maktabida “1-oktabr –Ustoz
va murabbiylar kuni” munosabati
bilan o’tkazilgan tadbir
A X B O R O T I
Maktabimizda 2021-yil 30-sentabr kuni “Ustoz va murabbiylar kuni” munosabati bilan “Mehribonim - ustozim” nomli bayram tadbiri bo’lib o’tdi. Tadbirni maktab ma’naviy va ma’rifiy ishlar bo’yicha direktor o’rinbosari J.Homidov ochib berdi. U barcha ustozlarni kasb bayramlari bilan tabrikladi. Shundan so’ng 6-sinf o’quvchilarining bayram dasturi namoyish etildi. Ular o’z chiqishlarida ustozlarini bayram bilan samimiy qutladilar. Ularga atab she’r, qo’shiqlar ijro etdilar. Ayniqsa, 11-sinf o’quvchisi Muxiddinova Marjonaning “Ustozimga” nomli she’ri qatnashchilar olqishiga sazovor bo’ldi. Shuningdek, tadbirda ona tili va adabiyot fani o’qituvchisi N.Aqilova oktabr—ona tili va adabiyot fan oyligini ochiq,deb e’lon qilib, o’quvchilarni fan oyligi rejasi bilan tanishtirib o’tdi va o’quvchilarni fan oyligida faol ishtirok etishga chaqirdi.Tadbir o’qituvchi va o’quvchilarda katta taassurot qoldirdi. Tadbir so’ngida maktab direktori S.Ro’ziyey so’zga chiqib, ustozlarni bayram bilan tabrikladi va tadbir tashkilotchilariga o’z minnatdorchiligini bildirdi.

Tashkilotchi: N.Aqilova