1-mavzu. Yosh va pedagogik psixologiya fanining tadqiqot sohasi va muammolari Reja

1-mavzu.Yosh va pedagogik psixologiya fanining tadqiqot sohasi va muammolari

Reja:

1. Yosh va pedagogik psixologiya fanining predmeti haqida tushuncha.

2. 
   Fan sifatida yosh va pedagogik psixologiyaning vujudga kelishi, uning rivojlanish tarixi.
   

3. Hozirgi zamon yosh va pedagogik psixologiya fanining asosiy vazifalari.

4.Yosh va pedagogic psixologiyada tadqiqot metodlarining ilmiy va amaliy ahamiyati.

Tayanch so`z va iboralar: ontogenez, filogenez, pedalogiya, biogenetik yo`nalish, sotsiogenetik nazariya, Vyursburg maktabi, Geshtaltpsixologiya.

Pedologiya – XIX asr oxiri XX asr boshlarida psixologiyaning amaliy tarmoqlari va eksperimental pedagogika asosida vujudga kelgan fan bo’lib, uning predmeti bolaning psixologik, anatomo – fiziologik, biologik taraqqiyotidir.
Yosh va pedagogik psixologiya fanining tadqiqot predmeti


Yosh davrlari psixologiyasi ontogenezidagi turli yosh davrlari psixik taraqqiyotining umumiy qonuniyatlarini, psixik rivojlanishini hamda psixologik xususiyatlarini o’rganadi.






Yoshning ulg’ayib borishi, psixik jarayonlarning inson rivojlanishidagi qonuniyatlari, undagi yetakchi omillar hamda inson hayot yo’lining turli bosqichlarida uning shaxsiga xos xususiyatlar-yosh davrlari psixologiyasi fanining tadqiqot predmeti hisoblanadi.






Pedagogik psixologiyaning predmeti esa ta’lim va tarbiya jarayonining psixologik mexanizmlari va qonuniyatlarini o’rganishdir.







Pedagogik psixologiyaning predmeti maktabda bilim, ko’nikma va malakalarni egallash qonuniyatlarini, bu jarayonlarda sodir bo’ladigan individual tafovutlarni, o’quvchilarda faol, mustaqilva ijodiy tafakkurni tarkib toptirish qonuniyatlarini tadqiq etishdir.





Pedagogik psixologiya-ta’lim va tarbiyaning ta’siri oqibatida o’quvchilar psixikasida sodir bo’ladigan o’zgarishlarni, o’quv materiallarining o’quvchilar yosh xususiyatlariga mos kelishini, turli ta’lim metodlarining psixologik jihatdan samaradorligini, darsliklar,o’quv qurollari va maktab ishlarining tartibiga nisbatan bo’lgan psixologik talablar kabi muammolarni ham pedagogik psixologiya o’rganadi.





Pedagogik psixologiya ta’lim va tarbiya jarayonining tashkilotchisi bo’lgan-o’qituvchi shaxsini, uning pedagogik faoliyati xususiyatlarini ham o’rganadi.