1-mavzu. Xalq taʻlimi tizimida taʻlim sifatini baholash boʻyicha xalqaro
tadqiqotlarni (PISA, TIMSS, PIRLS, TALIS) joriy etishning meʻyoriy-
huquqiy asoslari, asosiy maqsadlar va chora-tadbirlar.
Reja:
1.Xalq taʻlimi tizimida taʻlim sifatini baholash boʻyicha xalqaro tadqiqotlarni
PISA, TIMSS, PIRLS, TALIS joriy etishning meʻyoriy-huquqiy asoslari, asosiy
maqsadlar va chora-tadbirlar.
2.Xalqaro baholash tadqiqotlari tahlili (yillar
kesimida, oʻqish, matematik va
tabiiy-ilmiy savodxonlik hamda kreativ fikrlash asosida).
3.PISA-shok. Xalqaro baholash dasturlarini joriy etishning taʻlim sifatiga va
mazmuniga taʻsiri. Xalqaro baholash tadqiqotlari davriyligi va ahamiyati.
Respublikamizda amalga oshirilayotgan ta’lim sohasidagi tub islohotlar
mamlakatimiz taraqqiyotining asosiy maqsadi o‘quvchilarning
savodxonlik
qobiliyatini shakllantirish hamda rivojlantirishdan iborat.
Mamlakatimiz innovatsion rivojlanish yo‘lida shiddat bilan rivojlanib
borayotgan bir davrda kelajagimiz davomchilari bo‘lmish yoshlarni, ularning bilim
va ko‘nikmalarini xorijiy ta’lim standartlari asosida shakllantirish, zamonaviy aniq
mezon va talablar asosida baholash tizimini takomillashtirish muhim ahamiyatga
egadir.
“O‘zbekiston Respublikasini yanada rivojlantirish bo‘yicha
harakatlar
strategiyasi to‘g‘risida”gi O‘zbekiston Respublikasi Prezidentining 2017 yil 7
fevraldagi PF-4947-sonli farmoni bilan “2017-2021 yillarda O‘zbekiston
Respublikasini rivojlantirishning beshta ustuvor yo‘nalishi bo‘yicha Harakatlar
strategiyasi” qabul qilindi.
IV. Ijtimoiy sohani rivojlantirishning ustuvor yo‘nalishlarining 4.4. bandida
Ta’lim va fan sohasini rivojlantirish bandidan biri “umumiy o‘rta ta’lim sifatini
tubdan oshirish, chet tillar, informatika hamda matematika, fizika, kimyo, biologiya
kabi boshqa muhim va talab yuqori bo‘lgan fanlarni
chuqurlashtirilgan tarzda
o‘rganish” bo‘lib, u jahonning ta’lim sohasidagi ilg‘or tajribalariga mos keladi.
Ta’lim sifatini baholash bo‘yicha xalqaro tajribalarni o‘rganish, mavjud
tizimni qiyosiy va har tomonlama tahlil qilish, tegishli yo‘nalishdagi
xalqaro va
xorijiy tashkilotlar, agentliklar, ilmiy-tadqiqot
muassasalari bilan yaqindan
hamkorlik qilish, ta’lim sifatini baholash bo‘yicha xalqaro loyihalarni amalga
oshirish, zamon talablariga javob beradigan munosib milliy baholash tizimini
takomillashtirish muhim ahamiyatga egadir.
O'zbekiston Respublikasi Prezidentining 2018 yil 5 sentyabrdagi “Xalq
ta'limini boshqarish tizimini takomillashtirish bo'yicha qo'shimcha
chora-tadbirlar
to'g'risida”gi PF-5538-sonli farmoni 5-bandida
o'quvchilarning bilim darajasini
baholash bo'yicha xalqaro dasturlar va tadqiqotlarda (PISA, TIMSS, PIRLS va
boshqalar) umumta'lim muassasalari o'quvchilarining ishtiroki tashkil etilishi
belgilab qo'yilgan.
-