1-mavzu Psixologik tashxisni kompyuterlashtirish. Windows uchun Excel dasturining elektron jadvali Reja: Kompterlashtirilgan psixodiagnostik metodlarni qo‘llashning qog‘oz-qalam usuliga nisbatan afzallik jihatlari

1-mavzu Psixologik tashxisni kompyuterlashtirish.Windows uchun Excel dasturining elektron jadvali

Reja:

1. Kompterlashtirilgan psixodiagnostik metodlarni qo‘llashning qog‘oz-qalam usuliga nisbatan afzallik jihatlari.

2. Psixodiagnostik faoliyatning barcha bosqichlarini to‘liq kompyuterlashtirishning kamchiliklari.

3. Psixodiagnostikada kompyuterlardan foydalanish uchun yangi imkoniyatlarning ochilishi.

4. Asosiy qoidalar. Yacheyka. Uskunalar paneli va uni sozlash.

5. Ma’lumotlarni kiritish, tahrir qilish, shakllantirish, taqdim etish uslubi va ma’lumotlar qatorlari.

Psixologik diagnostika fan sifatida XIX asr oxirida eksperimental asosda vujudga keldi.

Psixologik diagnostikaning vujudga kelishida F.Galton (1879); J.Cattell (1890); H.Ebbinghaus (1891); A.Binet va V.Henri (1896); A.Binet va Th.Simon(1905)larning ishlari katta ahamiyatga ega bo‘ldi. Bu tadqiqotlarda individual farqlarni o‘rganishning yangi statistikaga asoslangan quroli – test ishlatila boshlagan. Psixologiyada ilk bor psixometrik yo‘nalish asoschisi F.Galton testlar yaratgan. Dastlabki test aqlni o‘lchash metodi sifatida qo‘llanildi, keyinchalik esa undan shaxsni, uning reaktsiyalarini o‘rganishda foydalanila boshlandi. Psixodiagnostikada yangi metodlarni ishlab chiqish psixiatrik shifoxonalarning ehtiyojlari tufayli kuchaytirildi. Keyinchalik esa kasb tanlash ishlari bilan bog‘liq psixotexnikaning taraqqiyoti bilan yanada rivojlantirildi.