1-iyun xalqaro bolalarni ximoya qilish kuni

1-IYUN XALQARO BOLALARNI XIMOYA QILISH KUNI.

Musiqa zali bayromona bezatilgan, zalning xar bir burchagida bolalikni yodga soluvchi suratlar, zalning to’g’risida esa “ ” so’zi yozib qo’yilgan.

Boshlovchi: Dunyoni bunyod etgan, Robbim senga Assalom!

Tongu-toshlar, qovmu-qondosh, do’stu-yorlar Assalom

G’animni do’st toshni, esa paxta qilgay bu kalom,

Ey murabbiy, ulug’ inson, ota-ona Assalom!!!

Assalomu alaykum aziz ota-onalar, hurmatli mehmonlar va ertangi kunimizning asl mevalari bo’lmish bilimga chanqoq jajji bolajonlar. Sizlarni 1-iyun xalqaro bolalarni himoya qilish kuni bilan chin yurakdan tabriklaymiz.

Bugungi bayramimizni bolajonlarimiz bilan musobaqa tarzida tayorlaganmiz. Bolajonlarimizni davraga taklif qilib guruhlarga bo’lib olamiz.

Bolalarga davraga chiqib turishadi, ularni ikki guruhga bo’linadi va bolajonlar musobaqaga tayyorlanadilar.

Davraga qizaloqlarimiz chiqib Xorazmcha “Olma pishganda galing” qo’shig’iga raqsga tushadilar.

She’r: Bo’ling sog’, bo’ling omon,

Bo’lmangiz hech ham yomon,

Odobli, iboli bo’ling,

Juda chiroyli.

Bo’lingiz mehnatsevar,

Bo’lingiz usta chevar.

Bo’lingiz tezroq katta,

A’lo o’qing albatta!

Bolalar, guruhga bo’lingan bolalar davraga chiqib “Yugurish” musobaqasini boshlaydilar. Bolalar bir qatorda tizilib turib, bitta-bittadan yugurib belgilangan joydan qaytib keying bolani qo’liga urib orqaga o’tadilar.

Boshlovchi: Juri a’zolari musobaqani, guruhlarni baholagunlarigacha bolajonlarimiz tayyorlagan kuy qo’shiqlarini tomosha qilamiz.

Davrada yasli, ilk yosh qizaloqlarimiz “Mittivoylar” qo’shig’iga raqsga tushadilar.

She’r: Mening jajji qo’llarim,

Charos, charos ko’zlarim.

Dono, dono so’zlarim,

Qarang juda bo’lakcha.

Bugun mening bayramim,

Quvonchlarim limmo-lim.

Ko’ylak tikdilar oyim,

Erkalatib muloyim.

Katta guruh bolalari juft-juft bo’lib vals tempidagi O.Nazarbekovning “Intizorim” qo’shig’iga raqsga tushadilar.

Guruhlar davraga chiqadilar. Juri a’zolari berilgan baholarni aytadilar va bolalar keying shartga tayyorlanadilar.

Kartoshka terish shartida paqirchadan kartoshkalarni tashlab ketishadi va navbatdagi bola kartoshkani terib keladi.

Shu tarzda mashq davom etadi.

Davrada qizaloqlarimiz “Taxmina” qo’shig’iga raqsga tushadilar.
She’r: Bir kun katta bo’laman

O’n yettiga to’laman

Mustaqil ona yurtga

Komil farzand bo’laman.

Men hozircha bolaman,

Bog’dagi gul lolaman.

Tinchlik sevar xalqimning,

Mard, jasur o’g’loniman.

Katta guruh qizaloqlari sochlariga bantiklar, chiroyli keng yubka, ko’ftalarda “Jiblajibon” qo’shig’iga raqsga tushadilar.

Musobaqa qatnashchilari davraga chiqadilar va oldingi shart baholari aytiladi.

Qopta sakrash sgartida bolajonlarimiz qoplarni oyoqlariga kiyib navbatma – navbat belgilangan joyga borib sakrab qaytib keladilar.

Davrada yasli guruh qizaloqlari “Alla” qo’shig’iga raqsga tushadilar.

So’ng barcha bolalar davraga chiqib “Bu juda soz” qo’shig’ini kuylaydilar.

Katta guruh bolalari “Bojalar” ijrosidagi “Buxoro” qo’shig’iga raqsga tushadilar.

She’r: Shirin – shirin qizaloqman,

Ikki yuzi qizg’aldoqman.

O’rtoqlarim menga qarar havasda,

Odobliman, iboliman orasta.

Shirin – shirin qizaloqman,

Ikki yuzi qizg’aldoqman.

Oyijonim aytgan ishni qilaman,

Kir yuvishni, supurishni bilaman.

Avvalgi shart baholari aytiladi.

“Keglilar orasidan yugurish” shartida bolalar keglilar orasidan o’tib belgilangan joyga borib qaytadilar.

Juri a’zolari shart baholarini belgilashguncha,

Katta guruh bolalari juft – juft bo’lib “Ruscha” raqsga tushadilar.

Juri a’zolari shart baholarini aytganlaridan keyin bolalar taqdirlanadilar.

Bolalar “Dunyoda tinchlik bo’lsin” qo’shig’ini kuylaydilar.

Ota-onalar bolalarini tabriklaydilar.

Boshlovchi: Aziz bolajonlar sizlarni yana bir bor “1-iyun xalqaro bolalarni ximoya qilish kuni” bilan chin dildan tabriklaymiz. Kelgusi hayotingizda biz bergan bilimlarni maktabda qo’llab yuksak marralarni qo’lga kiritib Vatan uchun sodiq farzand bo’lishingizga ishonamiz.
Ommaviy raqs.