Zunnunova saida

---

 
 
 
ZUNNUNOVA SAIDA
Zunnunova Saida
1926- yil 15 – fevralda Andijon shaxrida xizmatchi oilasida 
dunyoga keldi. Otadan erta yetim qolgan shoira onasi va qarindoshlar qo’lida 
ulg’aydi. Andijon shahridagi 90-maktabda o’qigan. Yozuvchi Sayd Ahmadning 
rafiqasi. Andijon oʻqituvchilar institutini (1943) va Oʻrta Osiyo universitetining 
filologiya
fakultetini (1947—52) tugatgan. "Gulxan" jurnalida
(1953—56), 
"Oʻzbekiston madaniyati" gazeta da adabiy xodim (1956—57), Badiiy adabiyot 
nashriyotida muharrir (1957—58) hamda Oʻzbekiston Yozuvchilar uyushmasida 
adabiy maslahatchi (1962—67) boʻlib ishlagan. Zunnunova Saida ning ilk sheʼri 
1945-yil Andijon viloyati "Paxta fronti" gazetasida bosilgan. "Qizingiz yozdi" nomli 
ilk sheʼrlar toʻplami esa talabalik yillari (1948) nashr etilib, sheʼriyat muxlislari 
eʼtiborini qozondi. Shundan keyin uning "Yangi sheʼrlar" (1950), "Gullar vodiysi" 
(1954), "Qizlarjon" (1962), "Sheʼrlar" (1964), "Bir yil uylari" (1967), "Nilufar" 
(1972) sheʼriy toʻplamlari eʼlon kilindi. Zunnunova Saida bu sheʼriy asarlarida inson 
ruhiy hayotining nozik qirralari va tebranishlari, tuygʻu va kechinmalarning 
murakkab harakati, dardu hasrat va orzu-armonlarning kamalak ranglarini mahorat 
bilan ifodalay oluvchi shoira sifatida shakllanganini namoyish etdi. Bu hol uning , 
ayniqsa, "Surat bilan suhbat" dostonida yorqin koʻrindi.
Zunnunova Saida oʻzbek xotin-qizlari hayotini oʻrganish, ular turmushidagi 
mashaqqatli jihatlar va murakkabliklarga jamoatchilik eʼtiborini jalb etish niyatida 
oila va muhabbat mavzuida bir qancha hikoya va qissalar yozdi. Uning "Gulbahor" 
(1956), "Povest va hikoyalar" (1957), "Olov" (1962), "Koʻchalar charogʻon" (1965), 
"Boʻylaringdan oʻrgilay" (1972) singari nasriy kitoblarida xotin-qizlar hayoti 
haqqoniy badiiy tajassumini topdi. Ayniqsa, Zunnunova Saida ning "Ona" (1966) va 
"Koʻzlar" (1968) nomli pyesalari ham bor. Zunnunova Saida 1977-yilning 20- martda 
52-yoshida vafot etdi. Toshkentdagi koʻchalardan biri va 224-sonli maktabga, 
shuningdek, Andijon shahridagi koʻcha va maktablardan biriga hamda Boʻz 
tumanidagi akademik litseyga Zunnunova Saida nomi berilgan.