Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

«Buvi-buvajonlarimiz»

Ya. Sa’dullaeva

Dilbar maktabidan keldi-yu, apil-tapil choyini ichdi. Stol ustini naridan-beri yig‘ishtirgan bo‘lib, ko‘chaga yugurdi.

- Qayoqqa, qizim? – so‘radi Malika xola nabirasining indamay ketish odatini bilgani uchun.

- Hozir, buvijon, - dedi, ko‘cha eshikka yaqinlasha turib Dilbar.

Buvijonisi orqasidan: «Tezroq kel!» - deb qoldi va chala artilgan stol ustini boshqatdan artdi. Keyin erinibgina yog‘ayotgan qordan oqarib qolgan yo‘lqani supurib qo‘ydi. Krandan suv burab, paqirlarni to‘ldirdi, oshxonaga eltdi. «Bolam tushmagur-ey, kap-katta bo‘lib qoldi-yu, nima qilarkin bilib-bilib ish qila qolsa! Hatto, ovqat yegan idishini ham yuvmaydi. «Hozir» deydi-yu, lip etib g‘oyib bo‘ladi», - dedi o‘ziga o‘zi.

Malika xola naqshinkor darvozadan ko‘chaga qaradi va nabirasini chaqirdi:

- Dilbarxon, hoy, Dilbarxon!

Dilbar bir qaradi-yu: «Hozir, buvijon!» - deb yana o‘yinga tutindi.

- Kela qol, yordamlashib yubor, qizim! – dedi Malika xola yalingansimon. Bu so‘zlar Dilbarning qulog‘iga kirdimi-yo‘qmi, har qalay u buvisining gapini javobsiz qoldirmadi:

- Hozir, buvijon!

Malika xola hovlisiga kirib ketdi. Yerto‘ladan kartoshka, piyoz olib chiqdi. Un eladi. Xamir qordi. Xamirni kelini kelganda qilsa ham bo‘lardi-yu, uni ayadi. Axir Dilbarning oyisi ishdan charchab keladi-da.

Oradan ancha-muncha vaqt o‘tdi. «Hozir», degan qizchadan hamon darak yo‘q.

Malika xola yana ko‘cha eshigidan mo‘raladi. Tavba, Dilbar qayoqqa ketdiykin? Bolalar ham siyraklashib qolishibdi. Malika xola bolalardan so‘radi. «Lolalarnikiga ketdi», - deyishdi. «Chaqirib bera qol, bolam», - dedi Malika xola ulardan biriga. Bola yugurib bordiyu, yugurib keldi. «Hozir», dedilar.

Malika xola chiqib qolar, deb kutib turdi... Chiqmadi. Oradan ancha mahal o‘tgach, qo‘lidagi qo‘g‘irchoqning ro‘molini to‘g‘rilab, bitta-bitta qadam bosib, Dilbar bilan o‘rtog‘i kela boshladi. Oshxona oldidan o‘tib ketayotgan edi, buvisi: «Kela qol, qizim, kartoshka artib yubor», - dedi xafa bo‘layotganini yashirishga urinib. 26 –Hozir, buvijon! Shunday dedi-yu, Dilbar o‘rtog‘ini boshlab uyga kirib ketdi. O‘rtog‘inikidan olib chiqqan qo‘g‘irchoqni qaravotiga yotqizdi, ustiga oq choyshab yopdi. Qulog‘iga yana buvisining ovozi chalindi. Mayingina qilib: «Hozir, buvijon!» - dedi.

Bolalar, Dilbarning hatti-harakatlarini siz qanday baholaysiz? O‘zingizni kattalar chaqirishganida «labbay» deb oldilariga borasizmi? Yoki... shishga undash turadi.