Зиѐвуддин Раҳим 2 бисмиллаҳир роҳМАНир роҳийм!

40-САБАБ. ҚУРЪОН МАЪНОСИНИ ТУШУНИШ
Қуръон маъноларини англаш киши қалбида хушуъ пайдо қилади. Қуръон ўқиш, эшитиш, ѐд 
олиш қалб касалликларининг энг зўр давосидир. 
Қуръонни тадаббур қилишга жуда кўп тарғиб этилган. Жумладан, Нисо сурасининг 82-оятида 
шундай дейилган: 
“-------------------------Арабча матн---------------------------” 
“Ахир улар Қуръонни тадаббур қилмайдиларми?! Агар у Аллоҳдан бошқаси томонидан 
(нозил қилинган) бўлганида, унда кўп қарама-қаршиликларни топардилар”. 

---

95 
Агар одамлар Қуръон маъноларини чуқур англасалар, бу Китоб оламлар Парвардигори 
томонидан юборилганига шак-шубҳасиз ишонадилар. 
Қуръонда маънолар қарама-қаршилиги йўқ. Чунки, у – Аллоҳнинг Каломи. Агар Қуръон 
Аллоҳдан ўзгаси томонидан туширилганида унда кўп айб-камчиликлар топиларди. Чунки инсон 
хатодан холи эмас. Аллоҳ эса ҳар қандай нуқсондан Покдир. 
Аллоҳ таоло айтади: 
“-------------------------Арабча матн---------------------------” 
“(Эй Муҳаммад, бу Қуръон барча одамлар) оятларини тадаббур қилишлари учун Биз Сизга 
нозил қилган бир муборак Китобдир” (Сод сураси, 29-оят). 
Муфассир Ибн Жарир Табарий: “Қуръон ўқиб, унинг тафсирини билмаган одам қироатдан 
лаззат олишига ажабланаман”, деган. Демак, намозда хушуъ топиш умидидаги инсон Қуръон 
тафсирини ўқиб, Каломуллоҳ маъносини қалбига сингдиради. 
Яна бир оятда айтилади: 
“-------------------------Арабча матн---------------------------” 
“Албатта бунда (огоҳ) қалб эгаси ѐки ўзи ҳозир бўлган ҳолда (сидқидилдан) қулоқ тутган 
киши учун эслатма-ибратлар бордир” (Қоф сураси, 37-оят). 
Ибн Аббос розияллоҳу анҳудан ривоят қилинишича, мунофиқлар Расулуллоҳ соллаллоҳу 
алайҳи ва саллам ҳузурларида ўтиришарди. Кейин ташқарига чиқиб: “Муҳаммад ҳозир нима деди 
ўзи?” деб бир-бирларига савол беришарди. Уларнинг қалби йўқ эди, эшитганини тушунмасди. 
Айтилган гап у қулоғидан кириб, бу қулоғидан чиқиб кетарди
195
. 
Аллоҳ таоло шундай марҳамат қилади: 
“-------------------------Арабча матн---------------------------”