Зиёвуддин Раҳим 2 бисмиллаҳир роҳМАНир роҳийм!

“Эсланг, 
(эй Муҳаммад соллаллоҳу алайҳи ва саллам,)
фаришталарга: “Одамга сажда 
қилинглар!” дейишимиз билан саждага эгилишди. Фақат иблис сажда қилмади. У жинлардан эди. 
Бас, Парвардигори амрига бўйсунишдан бош тортди. Энди сизлар 
(эй одам болалари,)
 Мени қўйиб, 
уни 
(яъни, иблисни)
, зурриётларини дўст тутасизми?! Улар сизларга душман-ку! 
(Иблис)
золим 
кимсалар учун 
(Аллоҳ ўрнига ибодат қилинадиган)
 нақадар ёмон ўринбосардир!”
(“Каҳф” сураси, 50-
оят). 
Бу оятда айтилишича, иблис жинлардан бўлган, унинг зурриётлари бор. 
3. Жинлар турли шаклларга кира олади. Жумладан, илон шаклига кириши мумкин. 
Аввалги даврларда уй қурилиши жуда содда, табиий бўлган, иморат асосан ёғочдан, лойдан 
кўтарилган. Шунинг учун у ерларда илон каби судралиб юрувчилар, турли ҳашаротлар, жониворлар 
учраши, яшаши оддий ҳол саналган. 
Уйда илон кўриб қолинса, нима қилиш ҳақида ҳадиси шарифларда кўрсатмалар келган. 
Абу Саид Худрий розияллоҳу анҳудан ривоят қилинишича, Набий соллаллоҳу алайҳи ва саллам: 
“Албатта, бу уйларда яшайдиган (ёки узоқ муддат турадиган) жинлар бўлади. Улардан биронтасини 
кўрсангиз, уч марта огоҳлантиринг. Кетса, кетди. Бўлмаса, ўлдиринг! Чунки у кофирдир”, деганлар 
(Муслим ва Аҳмад ривояти). 
Яна Абу Саид Худрий розияллоҳу анҳу Расулуллоҳ соллаллоҳу алайҳи ва салламдан ривоят 
қилади: “Мадинада бир гуруҳ жинлар мусулмон бўлганди. Ким ушбу уйларда яшовчи жинларни кўрса, 
уч марта изн берсин. Агар ундан кейин ҳам кўринса, ўлдирсин! Чунки у шайтондир” (Муслим ривояти). 
Ўша пайтда Мадинада Исломга кирган жинлар илон шаклида баъзи уйларда кўриниши эҳтимоли 
бор эди. Илонни уйида кўрган одам уни дарҳол ўлдирса, мусулмон жинлардан бирини ўлдириб қўйиш 
хавфи бўлган. Шунинг учун уйида илонни кўрган одам аввал уни огоҳлантиради. Агар ўша илон 
мусулмон жин бўлса, у ердан кетади, бошқа кўринмайди. Уч марта огоҳлантиргандан кейин ҳам кетмаса, 
уни ўлдирилади. 
Уйда кўринган илонлар қандай огоҳлантирилади? 
Унга: “Сен танг ҳолатдасан. Бизнинг олдимизга яна келсанг, сени таъқиб қилсак, ҳайдасак ёки 
ўлдирсак, бизни маломат қилма! Агар мўмин бўлсанг, олдимизга бошқа келма” деб айтилади. Агар 
шундан кейин ҳам яна кўринса, ўша илон ўлдирилади. Чунки у мусулмон жин эмас, кофир жин ёки 
ҳақиқий илондир
54
. 
Абдуллоҳ ибн Масъуд розияллоҳу анҳу шундай деган: “Худди кумуш таёққа ўхшаган оқ илондан 
бошқа ҳамма илонларни ўлдиринглар” (Абу Довуд ривояти. Ривоят санади саҳиҳ-мавқуф). 
Демак, уйдаги илон оқ рангда бўлса, букилмасдан, қийшаймасдан тўғри юрса, мўмин-мусулмон 
жин бўлади. Унга тегилмайди. Думи кесик, ортида икки чора чизиғи бор илонлар ўша заҳоти 
ўлдирилади. Агар уйдан бошқача илон чиқиб қолса, аввал уч марта огоҳлантирилади. Кетса кетди, 
бўлмаса, ўлдирилади. Хонадондан бошқа жойда кўринган ҳар қандай илонни ўлдирса бўлади. 
54
Манба: Мулла Али Қори, “Мирқотул мафотиҳ”. 

---

156