Зиёвуддин Раҳим 2 бисмиллаҳир роҳМАНир роҳийм!

ПАЙҒАМБАРЛАР ЭРКАК КИШИЛАРДАН БЎЛГАН 
Аллоҳ таоло шундай деган: 
“--------------------------- Арабий матн --------------------------“ 
“
(Эй Муҳаммад соллаллоҳу алайҳи ва саллам,)
Биз Сиздан илгари ҳам 
(фаришталарни эмас,)
 
фақат шаҳар аҳлларидан бўлган кишиларни пайғамбар қилиб, уларга ваҳий юборганмиз...”
(“Юсуф” сураси, 109-оят).
Аввалги пайғамбарларнинг ҳаммаси шаҳарлик бўлган. Чунки шаҳар аҳолиси тарбияли, даъват 
ишларини олиб боришда сабр-бардошли бўлади, муомалани яхши билади. Шунингдек, аввал ўтган 
пайғамбарларнинг ҳаммаси эркак кишилар бўлган, аёллар ёки фаришталар пайғамбар этиб юборилмаган. 
Чунки аёл кишининг табиий ва жисмоний тузилиши пайғамбарликдек оғир вазифага мос келмайди. 
Фаришталар ҳам одамларга пайғамбар бўлишлари мақсадга мувофиқ эмас. 
Бунда зинҳор аёл кишини пастга уриш маъноси йўқ. Балки аёлнинг аёллигини эътиборга олиб, уни 
машаққатга солмаслик риояси бор. Шу ўринда бир нарсани таъкидлаб ўтиш лозим: аёллардан пайғамбар 
чиқмаган, лекин барча пайғамбарларни аёллар туққан. 
ПАЙҒАМБАРЛАР ЎЗ ҚАВМИ ТИЛИДА ЮБОРИЛГАН 
Аллоҳ таоло айтади: 
“--------------------------- Арабий матн --------------------------“ 
“Биз ҳар бир пайғамбарни 
(ҳукмларимизни)
баён қилиб бериши учун ўз қавми тили билан 
(сўзлайдиган қилиб)
 юборганмиз...”
(“Иброҳим” сураси, 4-оят).
Барча пайғамбарлар ўз қавми тилида гапирадиган қилиб юборилган, уларга ўз она тилида ваҳий 
келган. Бутун оламларга пайғамбар бўлган Муҳаммад соллаллоҳу алайҳи ва салламга ҳам араб тилида 
ваҳий келган. У зот алайҳиссалом Аллоҳнинг Динини қавмларига етказганлар. Қавмлари: издошлари, 
саҳобалари эса бу таълимотни бутун дунёга тарқатган. 
11
Манба: Шайх Алоуддин Мансур, “Қуръони каримнинг ўзбекча изоҳли таржимаси”. 
12
Манба: Шайх Муҳаммад Содиқ Муҳаммад Юсуф, “Сунний ақидалар”. 

---

45 
Дунёда ҳар хил тиллар бор. Ҳозирги тиллар ичида Қуръони карим туширилганидан кейин пайдо 
бўлганлари ҳам йўқ эмас. Қолаверса, тилларнинг имкониятлари ҳам турлича. Шунинг учун Аллоҳ таоло 
энг бой, энг фасоҳатли араб тилини танлаб, қиёматгача боқий қоладиган Қуръони каримни ўша тилда 
нозил қилди. Замонлар, қавмлар, тиллар, лаҳжалар алмашаверади, аммо Қуръони карим мўъжиза бўлиб 
тураверади. Ундан ҳамма: араб ҳам, ажам ҳам, оқ танли ҳам, қора танли ҳам бирдек фойдаланаверади.