Ўзбкистон республикаси

4.2. Xorijiy mamlakatlarda faoliyat kо‘rsatayotgan kichik

biznes korxonalari

Xorijiy mamlakatlarda korxonalarning ma’lum turlari jamlanib bо‘lgan. Mashhur iqtisodchi G.Berl xususiy korxona­larning olti turini qayd qiladi: inkubatorlar; uyda bajariladigan biznes, pochta orqali buyurtma bajaruvchi korxonalar, kо‘chma korxonalar, bayram tadbirlari va tovarlarni namoyish qilish vaqtida tovarlarni sotish, eski-tuski narsalar bozori.
Biznesning bu turlari bir qator umumiy xususiyatlarga ega. Bular: a) faoliyatning individualligi; b) birlamchi kapitalga bо‘lgan talabning kamligi; v) korxona faoliyatining о‘zgaruvchanligi.
Tabiiyki, bu xususiyatlar bir-biridan farqlanadi. Biznes inkubatori deganda esa biror bir kor­xona (tashkilot)ning boshqa kichik korxonalarga ish yuritish uchun qulay sharoit yaratib berishi, ya’ni joy, uskuna, maslahat, kerakli kapital olishda yordam berish vazifasini bajarishi tushuniladi.
Uydagi biznes ushbu hududdagi tevarak-atrof tinchligini buzmasligi lozim. Uy biznesi xizmatining turlari uydan tashqarida ham bajarilishi mumkin, masalan, pianinoni tuzatish, trenerlik ishi, ekskursovod ishi, maslahat xizmatlari va boshqalar.
Uy biznesini olib borishda telefon, avtojavob berish texnikasi, nusxalash texnikasi, kompyuter va yozuv mashinkasi kerak bо‘ladi. Mayda-chuyda bozorlarning soni hozirgi kunda juda kо‘p. Ushbu biznesda ishlab chiqaruvchilar, ulgurji va chakana savdogarlar ishtirok etishi mumkin. Bu yerda turli mahsulotlarga bо‘lgan talabni bilib olish, kichik hajmdagi to­varlarni keyinchalik sotish uchun harid qilish mumkin va hokazo. Bularning barchasi kam sarf-xarajatlar yevaziga bajariladi.
Pochta orqali xizmat kо‘rsatish maxsus bilim, tajriba, kuch, vaqt va kapitalni talab qiladi. Doimiy daromad olib turish uchun juda kо‘p odamlarni ishga jalb qilishga tо‘g‘ri keladi. Biznesning ushbu turida amaldagi buyurtmalar soni juda kam bо‘lishi mumkin. Ish tо‘xtab qolmasligi va daromad olish maqsadida narxlarni ba­land qilishga tо‘g‘ri keladi.