Ózbetinshe tálim 1-Tema : Mektepke shekem tálim

Ózbetinshe tálim

1-Tema : Mektepke shekem tálim

1. Ózbekstan Respublikasında mektepge shekem tálim sisteması haqqında ulıwma túsinik.

1. Mektepke shekemgi tàlim-mektepke shekemgi jastagi balalardiñ qiziģiwshiliģi,uqibi,individual ruwhiy hàm fizikaliq òzgeshelikleri,màdeniy zàrùrliklerin esapqa alip hamde balada àdep-ikram normalariniñ qaliplesiwi,turmisliq hàm jàmiyetlik tàjriybelerdi iyelewin kozde tutqan hàr tarepleme rawajlandiriwģa qaratilģan birlik proces.

2. 2016 jıldan 2020 jılǵasha mektepge shekem tálim sistemasındaǵı reformalar.

2016- 2020- jillar araliģinda Mektepke shekemgi tàlim tarawinda bir qansha reformalar,jañaliqlar jùz berdi. Mektepke shekemgi tàlim wàzirliginiñ dùziliwi Mektepke shekemgi tàlim rawajlaniwinda ayriqsha tùrtki boldi. Jànede bir neshe qararlar qabillanip,sol boyinsha tarawda Jumislar alip barilmaqta. "Dàslepki qàdem" oqiw dàsturiniñ engiziliwi, balalar baqshasinda sabaqlardiñ 5 rawajlandiriwshi oraylarda òtiliwi, mektepke shekemgi tàlim baģdari boyinsha JOO larda kvotalardiñ kobeyiwi, kadrlar jetispewshiliginiñ aldin aliw boyinsha Msht boyinsha qayta tayarlaw kurslariniñ ashiliwi Mektepke shekemgi tàlim tarawindagi ùlken jañaliqlardan biri esaplanadi. 2018-jil 15-iyuldagi qarar boyinsha Mektepke shekemgi tàlim tarawinda qaģazbazliqlar azaytildi. Bir neshe MSHBSHlar ashilip, olarģa balalardi qamtiw kòrsetkishi joqariladi.

3. MSHBSHniń maqseti hám wazıypaları?

Mektepke shekemgi tálim maqseti, bala shaxsın mektepke shekemgi jasdaǵı balalar tálim-tárbiyasında qollanatuǵın Mámleketlik talaplarǵa saw hám jetik mektepte oqıwǵa tayarlanǵan tárizde qáliplestiriw

Mektepke shekemgi tálimniń wazıypaları :

■ Balalardıń ómirin qorǵaw hám den-sqwlıǵın bekkemlew;

■ Bala shaxsın qáliplestiriw, onıń bilimge qızıǵıwshılıqların rawajlandırıw ;

■ Balanıń intellektuallıq, jeke hám fizikalıq rawajlanıwın támiyinlew;

■ Balanıń rawajlanıwındaǵı kemshiliklerdi zárúr tárzde ońlaw ;

■ Balalardı milliy mádeniyat hám ulıwma insanıylıq qádiriyatlar menen tanıstırıw

■ Balalardı mektepte oqıwǵa tayarlaw.

4. " Ilk qadam" oqıw programmasınıń tiykarǵı maqseti, wazıypaları hám jańalıǵı qanday?

"Dàslepki qàdem" oqiw dàstùriniñ tiykarģi principi-tàlim procesine qosilip atirģan kishi jasli balalardiñ dàslepki qàdemi. "Uliwma aytqanda màmleket talaplarinda kishi hàm mektepke shekemgi jastagi balalardi 5 baģdarda rawajlandiriwi kerekligi kòrsetilgen. Bul 5 baģdardi rawajlandirip bala 4 kompetenciyaģa iye boladi yaģniy ol 1-klasqa motivatciya aladi"-deydi Òz.Res Mektepke shekemgi tàlim waziri A.Shin. Oqiw dàsturinde barliq nàrseniñ tiykari socialliq jantasiw,yaģniy diqqat orayinda bala hàm oniñ màpi. Dàstùr tiykarinda bilim aliw procesin oyinlar arqali rawajlandiriw kiredi. Balalarda bilim aliw,dòretiwshilik social jònelis siyaqli tùsinikler hàm salamat turmis tàrizi qàliplesedi.

5. MSHBSH tiykarǵı oqıw programmasın ámelge asırıwda rawajlanıwdıń 5 baǵdarın analiz etiń hám olardı interaktiv usılda túsindiriwge háreket etiń....

Màmleketlik talaplarda tuwilģannan 7 jasqa shekemgi bolģan balalar rawajlaniwi 5 tiykarģi rawajlaniw tarawina bòlingen. Hàr bir taraw òz aldina kishi tarawlarģa bolingen bolip, olar hàrbir jas toparina mas bir neshe talaplardan ibarat. Rawajlaniw tarawlari:

1.Fizikaliq rawajlaniw hàm salamat turmis tàrizin qàliplestiriw

2.socialliq sezimtalliqtiñ rawajlaniwi

3.til,qatnas,oqiw hàm jaziw uqipliliqlari

4.biliw procesiniñ rawajlaniwi

5.dòretiwshiliktiñ rawajlaniwi

6. MSHBSH sistemanı rawajlandırıw hám jańalaw daǵı ústin turatuǵın wazıypalar.. (siziń usınıslarıńız..)

Mektepke shekemgi tálimdi rawajlandırıw ushın tómendegi wazıypalardı ámelge asırıw zárúr: maman tárbiyashi hám pedagog kadrlardı tayarlaw ;mektepke shekemgi tálimniń nátiyjeli psixologiyalıq-pedagogikalıq usılların jaratıw hám ámeliyatǵa engiziw; balalardı shańaraqta tárbiyalawdı shólkemlestirilgen, psixologiyaliq pedagogikalıq hám ruwhıy tárepten támiyinlew; zamanagóy oqıw qollanbalar, texnikalıq qurallar, oyınshıqlar hám oyınlar jaratıw hámde olardı tálim- tárbiya procesinde qollanıw; balalardı milletimizdiń bay materiallıq -tariyxıy miyrasları hám ulıwmainsanıylıq qádriyatları tiykarında tárbiyalaw ushın zárúr shárt-shárayatlar jaratıw ; mektepke shekemgi tálim makemeleriniń hár qıylı túrleri ushın muwapıq programmalardı tańlap alıw, barlıq máseleler boyınsha máslahat beriw múmkinshiligin jaratıw ; mektepke shekemgi tálim hám salamatlastırıw makemeleri tarmaqların qollap-quwatlaw hám rawajlandırıwdıń texnologiyaların islep shıǵıw hám ámeliyatǵa engiziw.