Ўзбекстон республикаси олий ва ўрта махсус таълим вазирлиги

Тақризчилар:

Ирмухаммедова Р.		- ТДТУ, «Информатика» кафедраси доценти
Фозилов Ш.Х.	- ЎзР ФА Математика ва информацион технологиялар институти, «Маълумотларга ишлов бериш тизимлари» лабораторияси мудири, т.ф.д., проф.

Фаннинг ўқув дастури Тошкент ахборот технологиялар университети Илмий-услубий кенгашида тавсия қилинган (2009 йил _________даги «___»-сонли баённома)

Кириш

Ушбу намунавий ўқув дастурида «Дастурлаш технологиялари» фанига тегишли бўлган барча мавзулар бўйича талабаларга Давлат таълим стандартлари асосида етказилиши шарт бўлган минимум билимлар ва кўникмалар тўла қамраб олинган.
Мамлакатимизда ахборот технологияларни ривожлантириш, дастурий махсулот яратиш ва Интернет тизимидан кенг қўлламда фойдаланиш мақсадида, “Информатика ва ахборот технологиялари” йўналишлари бўйича тайёрланаётган кадрларни чиқаришда «Дастурлаш технологиялари» фанини ахамияти нихоятда юқори эканлигини кўрсатмоқда.

Ўқув фанининг мақсади ва вазифалари.

Фанни ўқитишдан мақсад – Дастурий таъминотни лойихалаш усулларини, ишлаб чиқишни, эффективлигини йўналиш профилига мос билим, кўникма ва малака шакллантиришдир.

Фаннинг вазифаси - дастурий махсулот яратиш босқичлари унинг яратиш принциплари, тестлаш усуллари, махсулотнинг архитектурасини ва лойихалаш усуллари, фойдаланишларни ўргатишдан иборатдир.

Фан бўйича талабаларнинг билимига, кўникма ва малакасига қўйиладиган талаблар.
«Дастурлаш технологиялари» ўқув фанини ўзлаштириш жараёнида амалга ошириладиган масалалар доирасида бакалавр:
Замонавий дастурлаш махсулотларини программалаш технологиясини; Масалаларни алгоритмлаш ва моделлаштириш усулларини, оптимал программалаш тилини танлаб олишни, тайёр программа махсулотларини программалаш, тестдан ўтказиш, созлаш ва хизмат кўрсатиш усулларини билиши ва ишлата олиши, программаларни функционал характеристикаларига талаблар қўйишни, программани ишлаб чиқиш босқичларини аниқлашни, алгоритмни блок - схемалари ва функционал схемалари, замонавий шахсий компьютерларни умумий мақсадли программа махсулотларини билиши керак.
Программа алгоритмини блок-схемасини ишлаб чиқиш, программани танлаб олинган алгоритмига тест мисолларини ишлаб чиқиш, Программадаги хатоликлар топиш ва тузатиш кўникмаларига эга бўлиши керак.