Ózbekstan tariyxı páninen májbúriy pánler ushın túsken sorawlar

Ózbekstan tariyxı páninen májbúriy pánler ushın túsken sorawlar
1. Dúkshi iyshan qozǵalańı qaysı aymaqta júz bergen?

- Andijan.

2. 2003-jılı shólkemlestirilgen partiyanı kórsetiń.

- ÓzLiDeP.

3. “Tarixi jahonkushiy” shıǵarmasınıń avtorı kim?

- Alawatdin Atamúlk Juvayniy.

4. Ańshılıq, terimshilik kásipleri qaysı xojalıq túrine kiredi?

- Ózlestiriwshi xojalıq (diyqanshılıq hám sharwashılıq – islep shıǵarıwshı yamasa óndiriwshi xojalıq).

5. Avestonıń tekstlerine berilgen túsinik ne dep ataladı?

- Zand.

6. 1866-jılı ruslar tárepinen iyelengen qalanı kórsetiń.

- Xojend, Oratóbe, Jizzax.

7. Ózbekstannıń qublası, Arqa Awǵanstan, Qubla Tájikstandı óz ishine alıwshı walayattı kórsetiń.

- Toxarstan.

8. 806-jılı kim basshılıǵındaǵı qozǵalań júz berdi?

- Rofe ibn Lays basshılıǵındaǵı.

9. Aq kiyimliler qozǵalańı basshısın kórsetiń.

- Hashim ibn Hákim (Muqanna).

10. Tómendegilerden qaysı biri XX ásirdiń 1-shereginde dúzilgen?

- Buxara Xalıq Sovet Respublikası.

11. Xiywanıń sońǵı xanın kórsetiń.

- Said Abdullaxan.

12. Tómendegilerden qaysı biri “yarım patsha” atına iye bolǵan?

- Kaufman.

13. Buxara qaysı dinastiyası hám qaysı húkimdardıń dáwirinde ámirlik statusına iye bolǵan?

- Manǵıtlar dinastiyası Muhammed Rahimbiy dáwirinen.

14. Tashkent walayatı hákimin qaysı organ lawazımınan bosatıwı yamasa tayınlawı múmkin?

- Prezident (hámme walayat hákimlerin de).

15. VII ásirde Orta Aziyaǵa bastırıp kirgen kimler edi?

- Arablar.

16. Shaybaniyler dinastiyası wákilin kórsetiń.

- Shaybaniyxan, Kóshkinshixan, Abu Said, Abdullaxan I, Abdullaxan II, Ubaydullaxan I, Pirmuhammed I, Pirmuhammed II, Abdulatifxan, Abdulmómin, Nawrız Axmedxan.

17. Túrkstannıń birinshi general-gubernatorı kim edi?

- Kuafman.

18. Qaysı xalıq Orta Aziyanın taw, shól hám tegislik aymaqlarında sharwashılıq penen shuǵıllanǵan?

- Saklar.

19. Mawarawnnaxr sóziniń mánisi ne?

- “Dáryanıń arǵı tárepi”.

20. Qashan Túrkstan general-gubernatorlıǵı dúzilgen?

- 1867-jılı.

21. Shaybaniyxan qashan qaytıs bolǵan?

- 1510-jılı.

22. Zardushtiylik dininiń muqaddes kitabı qaysı?

- Avesto.

23. Amir Temur qatnasqan “Ilaylı sawash” qashan júz bergen?

- 1365-jılı.

24. Qoqan xanlıǵında turaqlı emes armiya ne dep ataladı?

- Qaraqazan, qarasherik hám qılquyrıq.

25. Altaydın batısında, Irtish dáryasınıń orta aǵımında jasaǵan qáwimdi anıqlań.

- Qarluqlar.

26. Nawayı, Jamiy, Xoja Ahrarlar qaysı sufizm taliymatın keyingi ásirlerde rawajlandırǵan?

- Naqshbandiya.

27. Ózbekstanda dáslepki mámleketshilik neshinshi ásirden baslanǵan?

- B.e.sh. VII ásirden.

28. Ádalat SDP qashan dúzildi?

- 1995-jılı.

29. Amir Temur qaysı qalada ózin Mawarawnnaxrdıń ámiri dep jariyalaǵan?

- Balx.

30. Jasalma suwǵarıwǵa tiykarlanǵan diyqanshılıq qaysı dáwirde júz bergen?

- Eneolit.

31. XX ásir baslarında dúzilgen partiyanı kórsetiń/

- 1914-jılı Jas xiywalılar partiyası.

32. Buxaranıń sońǵı ámirin kórsetiń.

- Said Alımxan.

33. Orta Aziya xalıqlarınıń mádeniyatı haqqındaǵı qaysı shıǵarmada berilgen?

- Strabonnıń “Geografiya” shıǵarması.

34. Qońıratlar dinastiyası qaysı Orta Aziya mámleketinde bolǵan?

- Xiywa xanlıǵında 1770-1920-jj.

35. Arab xalifalıǵı qashan dúzilgen?

- 632-jılı.

36. Aleksandr Bekovich CHerkassiy basshılıǵındaǵı áskeriy ekspediciya qashan Orta Aziyaǵa jiberiledi?

- 1714-1717-jj.

37. Mir Arab medresesi qaysı qalada qurılǵan?

- Buxarada 1533-1536-jj.

38. Óz dáwiriniń Ptolomeyi ataǵına iye bolǵan kim edi?

- Ali Qusshı.

39. Ozbekstan SSR qashan dúzilgen,

- 1925-jılı.

40. “Sudlar haqqında”ǵı Nızam qashan jańa redakciyada qabıl etilgen?

- 2000-jılı.

41. Mezolit dáwiriniń esteliklerin kórsetiń.

- Qosılıw, Machay, Obishir, Zarautsay.

42. Abiw Muslim basshılıǵındaǵı qozǵalań qashan júz berdi?

- 747-749-jj.

43. Amir Nasrulla qashan áskeriy reforma ótkerdi?

- 1837-jılı.

44. Qaysı ashtarxaniy húkimdar Xiywa xanlıǵın basıp aldı?

- Subxanqulıxan 1688-jılı.

45. Qashan Patsha Rossiyası Orta Aziyanı tolıq basıp aldı?

- 1885-jılı.

46. Qaysı qala ruslar tárepinen 1865-jılı basıp alındı?

- Tashkent.

47. Marv qalası qayerd ejaylasqan?

- Túrkmenstan.

48. Túrk qaǵanlıǵında sharwashılıq penen shuǵıllanıwshı xalıq ne dep atalǵan?

- Qara budun yamasa budun.

49. Amir Temurdıń húkimdarlıq jılların kórsetiń.

- 1370-1405-jj.

50. Qaraqalpaqlarda urıs waqtında qanday salıq alınǵan?

- Qazan pulı.

51. 2017-jılı qaysı qalda Islam mádeniyatı orayı shólkemlestirildi?

- Tashkent.

52. XVI ásirde Buxara xanlıǵında Safaviylerdiń hújimin qaytarǵan húkimdar kim edi?

- Ubaydullaxan I.

53. 1853-jılı ruslar tárepinen qaysı qala iyelengen?

- Aqmeshit.

54. Áyyemde Orta Aziya xalıqlarında jawınger aybalta ne dep atalǵan?

- Sagaris.

55. Tómendegilerden Mıńlar dinastiyası wákilin kórsetiń.

- Muhammed Alixan (Madalixan).

56. 1873-jılı Gendimian shártnamasına qol qoyǵan Xiywa xanı kim edi?

- Muhammed Raximxan II.

57. IV-X ásirlerde Xorezmde húkimdarlıq etken dinastiyanı kórsetiń.

- Afriǵiyler.

58. Temuriyler dáwirinde inám etilgen jerler ne dep atalǵan?

- Suyurǵal.

59. Tashkent foto úyi qashan ashılǵan?

- 2002-jılı.

60. Barkámal áwlad jılı dep elimizde qaysı jıl járiyalanǵan?

- 2010-jılı.

61. Qoqan xanlıǵındaǵı tiykarǵı salıq qaysı?

- Xiraj.

62. Áyyemde házirgi Tashkent oazisinde dúzilgen mámleketti kórsetiń.

- Qanǵ.

63. Túrkstan Avtonomiyası húkimetinde finans wáziri bolıp islegen shaxstı anıqlań.

- Solomon Gersfeld.

64. 1798-1810-jıllarda Qoqan xanı bolǵan húkimdardı anıqlań.

- Alımxan.

65. Shınǵısxan 1218-jılı Mawarawnnaxrǵa kimdi elshi etip jibergen?

- Maxmud Yalavash.

66. XX ásirdiń 1-yarımında dúzilgen mámleketti anıqlań.

- Túrkstan ASSR 1918-jılı.

67. 1865-jılı dúzilgen Túrkstan walayatınıń gubernatorı kim edi?

- M.Chernyaev.

68. Ózbek hám tájiklerdiń etnogenezinde qatnasqan qáwimler qaysı?

- Qarluqlar.

69. 999-jılı Buxaranı basıp alıp, Samaniylerdi qulatqan qaraxaniyler húkimdarı kim edi?

- Nasır Eloqxan.

70. 555-jılı Sırdárya hám Aral boylarına shekemgi aymaqlardı iyelegen mámleket qaysı?

- Túrk qaǵanlıǵı.

71. XVI ásirde Ismayıl Safaviy áskerleriniń hújimin qaytarǵan kim?

- Ubaydullaxan I.

72. B.e.sh. I mıńjıllıqta Orta Aziyada keń tarqalǵan din qaysı?

- Zardushtiylik.

73. 1910-jılı taxtqa otırǵan Buxara ámiri kim edi?

- Said Alımxan.

74. 1917-jılı dúzilgen Túrkstan úlke musılmanları keńesi basshısı kim edi?

- Mustafa Choqay.

75. 1740-jılı Xiywa xanlıǵı qaysı mámleketke ǵarezli bolıp qaldı?

- Iran, Nadirshah basıp aldı.

76. 1858-jılı Buxara hám Xiywa menen diplomatiyalıq baylanıs ornatıw ushın jiberilgen rus elshisi kim edi?

- Ignatyev.

77. 2000-jılı 30-avgustta elimizde qaysı orden shólkemlestirildi?

- Jalalatdin Manguberdi ordeni.

78. Jas Xiywalılar partiyası qashan dúzildi?

- 1914-jılı.

79. Senat neshe aǵzadan ibarat?

- 100 senator: 14 saylaw okrugi hár biri 6 aǵzadan saylaydı, sonda 84 boladı, qalǵan 16 senatordı Prezident tayınlaydı.

80. 1770-1920-jıllarda Xiywa xanlıǵın basqarǵan dinastiya qaysı?

- Qońıratlar.

81. B.e.sh. III ásirde Salavkiyler mámleketinen qaysı mámleketler ǵaressiz mámleket sıpatında bólinip shıǵadı?

- B.e.sh. 250-jılı Grek-Baqtriya hám Parfiya.

82. 1996-jılı kimniń yubileyi elimizde belgilendi?

- Amir Temur 660 jıllıǵı.

83. 1910-jılı qaysı mámlekette xan reformalar joybarın qabıl etti?

- Xiywa xanlıǵında Asfandiyarxan.

84. Qaysı Xorezmshah ózine “Iskandari Soniy” (“Ekinshi Iskender”) ataǵın qabıl etken?

- Alawatdin Muhammed.

85. Qaysı mámleket dáwirinde Orta Aziyaǵa buddizm dini kirip keldi?

- Kushan mámleketinde Kanishka dáwirinde.

86. Túrkstan Avtonomiyası húkimetinde sırtqı isler ministry kim edi?

- Mustafa Choqay.

87. Tómendegi qozǵalańlardıń qaysı biri arablarǵa qarsı qaratılǵan?

- Aq kiyimler qozǵalańı (Muqanna basshılıǵında), Rofe ibn Lays qozǵalańı, Abu Muslim qozǵalańı, Soǵd qozǵalańı.

88. XVI ásirde Amir Temurǵa arnalǵan shet mámleketlerdegi birinshi ilimiy shıǵarma qaysı?

- Perondinonıń “Skifiyalı Tamerlannıń ullılıǵı”.

89. Saklar neshe toparǵa bólingen?

- 3 toparǵa.

90. Buxara manǵıt ámirleri shejiresi berilgen shıǵarma qaysı?

- Muhammed Yaqubtıń “Gulshan ul-muluk” shıǵarması.

91. Ershi qalası qaysı mámlekettiń paytaxtı esaplanadı?

- Davan.

92. 1919-jılı yanvarda Túrkstan úlke musılmanlar byurosı kim tárepinen dúzilgen?

- Turar Rısqulov.

93. 1210-jılı Alawatdin Muhammedke qarsı qaysı qalada qozǵalań júz berdi?

- Otırar (1212-jılı Samarqandta).

94. Buxara ámirliginde sarayda 20 jıl dawamında kalligraf-xudojnik bolıp islegen kim edi?

- Axmed Danish.

95. 1029 juldızdıń jaylasıw ornı hám koordinataların izertlegen kim?

- Beruniy.

96. 1995-jılı elimizde kimniń 920 jıllıǵı belgilendi?

- Zamaxshariy.

97. Alisher Nawayınıń ustazı hám dostı kim edi?

- Abdurahman Jamiy.

98. “Katolik dininiń ǵamxorshısı” ataǵına erisken temuriy húkimdar kim edi?

- Miranshah.

99. 832-833-jıllarda Suriyada jer meridianınıń bir dárejesin ólshewde qatnasqan alım kim edi?

- Ferǵaniy.

100. Mırza Uluǵbek 1420-jılı qaysı qalada medrese qurdıradı?

- Samarqand. (1417-jılı – Buxarada, 1433-jılı - Ǵıjduwanda).

101. 1847-jılı Sırdáryanıń Aralǵa quyılıw jerinde qurılǵan qorǵan qaysı?

- Raim.

102. 1763-jılı Xiywa xanlıǵı taxtına otırǵan kim?

- Narbotabiy.

103. 1556-jılı Buxara xanlıǵı taxtına otırǵan kim?

- Abdullaxan II.

104. Zebo Ǵaniyeva qaysı qalada kórsetken erligi ushın “Qızıl Bayraq” ordenin alǵan?

- Moskva.

105. Teńgelerdi úyreniwshi pán qaysı?

- Numizmatika.

106. “Aristoteldiń Metafizika shıǵarmasına sholıw” shıǵarması kimge tiyisli?

- Farabiy.

107. 1864-jılı Qoqan xanı tárepinen Shımkent hám Túrkstan qalaların qorǵawǵa jiberilgen ámirláshker kim,

- Alıqulıá

108. “Ziji jadidi Koraganiy” shıǵarması kimge tiyisli?

- Mırza Uluǵbek.

109. XV ásirden baslap Ferǵana oypatlıǵınıń orayı qaysı qala bolǵan?

- Andijan.

110. Samaniylerde ǵaziynege eń kóp payda qaysı salıqtan túsken?

- Xiraj.

111. Tómendegilerden qaysı biri 1870-jılı ashılǵan?

- Túrkstan xalıq kitapxanası.

112. Ózbekstan qanday basqarıw engizilgen?

- Prezidentlik respublika.

113. 1876-jılı qaysı qalada Orta Aziyadaǵı birinshi muzey ashıldı?

- Tashkent.

114. 1898-jılı qozǵalańǵa basshılıq etken kim?

- Muhammed Ali iyshan.

115. XIX ásir 1-yarımında Qoqan ádebiy ortalıǵın dúzgen kim edi?

- Omarxan.

116. Ózbekstan Prezidentl lawazımı qashan engizildi?
- 1990-jılı 24-mart.

117. Jetimxan qozǵalańı qashan júz berdi?

- 1878-jılı.

118. Axinak degenimiz qanday qural esaplanadı?

- Qanjar.

119. Zamaxshariy iye bolǵan “Jarullah” ataǵı neni bildiredi?

- “Allanıń qońsısı”.

120. Ekinshi jáhán urısı dáwirinde Qorǵanıw fondına óz esabınan 50 mıń som tapsırǵan kim edi?

- Tamaraxanım.

121. Ullı Jipek jolı qashan payda boldı?

- B.e.sh. II ásirde.

122. Xiywa xanlıǵı qashan dúzilgen?

- 1512-jılı.

123. Ekinshi jáhán urısı jıllarda Ózbekstan basshısı bolıp islegen kim?

- Usman Yusupov.

124. Amir Temur qayerde qaytıs bolǵan?

- Otırarda 1405-jılı 18-fevralda.

125. Tarǵu qanday salıq esaplanadı?

- Ónerment hám sawdagerlerden alınǵan salıq.