Ózbekstan Respublɩkasɪ Joqarɪ hám Orta arnawlɪ Bilimlendiriw Ministrligi

III. Sabaqtı juwmaqlaw. Bul sabaq dawamında barlıq oqıwshılar qatnasadı. Eń tıykarǵısı oqıwshılar topar menen islesiwdi úyrenedi. Olar basqalar pikirin húrmet qılıwǵa, bilgish oqıwshılarǵa teńlesiwge háreket etedi.

Dástúriy emes oqıw usıllarınan paydalanǵan halda ótilgen 1 saatlıq sabaq islenbesi

Maqsetler: Oqıwshılardı matematika páninen alǵan bilimlerin bekkemlew, olardı erkin, ózbetinshe islewge úyretiw, intellektual iskerligin keńeytiw, logikalıq pikirlew qábiletin qáliplestiriw hám ósiriw.

Sabaqtıń úskenesi: Klass xanasi shıraylı bezetilgen. «Bilgirler bellesiwinexosh kelipsiz! », “Tapqırlarǵa aq jol”, «Kewillilerge quwanısh yar bolsın» uranları asilǵan. Hár bir toparnı bahalap barıw ushın ballar jazılǵan kartochkalar, xoshamet ushın bayraqshalar, jeńimpaz hám aktiv qatnasshılarǵa beriw ushın túrli ertek kitaplar, albomlar tayarlanǵan. Topar aǵzaları óz orınların iyeleydi.

Tádbir shárti: Klasstaǵi oqıwshılardıń eń intalılarınan 12 danası tańlap alınadı hám toparlarǵa birlestiriledi. Bellesiw processinde hár bir toparǵa 4 den shárt qóyıladı. Olarǵa, matematika páninen mısal hám máseleler, jumbaqlar, basqatirmalar sheshiw tapsırması beriledi.

Hár bir toparda 4 ten oqıwshı bolıwı kerek. Eń aldın sárdarlar

tayınlanadı hám toparlarǵa at qóyıladı.

Tádbir Ózbekstan Respublikası gimnı menen baslanadı.

Oqıtıwshı : Assalawma allaykum, húrmetli ustazlar, áziz qatnasıwshılar! «Bilgirler bellesiwi»ne xosh kelipsiz! Búgingi bellesiwde siz, oqıwshılarımizdıń birinshi yarım jıllıqta alǵan bilimlerin qaysı dárejede ekenligin, olardıń qansheli tapqırlıqların guwası bolasız. Qatnasıwshılardı ortaǵa shaqıramız.

Oqıtıwshı topar jáne onıń sárdarların birma -bir tanıstıradı.

1-topar — «Bilgirler»

2-topar — «Tapqırlar»

3-topar — «Kewilliler»

Tanısıw tawsılǵannan keyin, qızlar ayaq oyının atqaradı. Oqıtıwshı bellesiw shártleri menen tanıstıradı.

1-shártte topar aǵzaları matematika pánine tiyisli qosıq máselege juwap beriwleri kerek boladı.. I Tuwrı juwap 5 ball menen bahalanadı.

2-shárt: Ótilgen temalarǵa tiyisli 4 ten mısal sheshiw.

3-shárt: Máseleler sheshiw.

4-shárt: Sorawlarǵa awızsha juwap beriw.

5-shárt: Basqatırmanı sheshiw hám sońǵı, 6 -shártda bolsa sárdarlar óz-ara bellesedi. Ol jaǵdayda “Kim finishke tez jetedi? » oyını oynaladi. Qaysı topar kóp ball toplasa, sol topar jeńimpaz bolıwı hám bayraqsha menen qoshametlenedi, topar sárdarı «Altın taj» iyesine aylanıwı da aytıp ótiledi. Shártler tanıstırılǵannan soń, balalar oyınlarımızdan birin atqaradı.