Ózbekstan respublikasi’ joqari’ HÁm orta arnawli’ bilimlendiriw ministrligi

Joqarı tálim. Ózbekistan Respublikası Prezidenti Sh.M.Mirziyoevtıń «Joqarı bilimlendiriw dizimin jánede rawajlandırıw haqqında» ǵı 2017-jıl 20-aprel, PQ-2909-sanlı Qararın orınlaw maqsetinde pedagog kadrlardıń kásiplik tájriybesi sıpatın asırıw, pedagoglardı hám joqarı oqıw orınları pitkeriwshileri PhD dástúri hám shet mámleketlerdegi oqıw orınlarında magistratura dástúrleri tiykarında oqıtıw kórsetilgen⁷.

Joqarı bilimlendiriw mekemeleri yuridikalıq ataqqa iye bolıp, Respublikamızda joqarı bilimlendiriw mekemeleriniń tómendegishe kórinisleri bar:

• 
  universitet –joqarı bilimlendiriw dástúrin orınlawda talabalarǵa iyelep atırǵan tarawı boyınsha yáki keyinsheli oqıwdı dawam ettiriw ushınkeń kólemli bilim beriwge itibar qaratıladı;
  
• 
  akademiya –joqarı bilimlendiriw dástúrin orınlawda joqarı tálim beriw menen bir qatarda keyinshelli oqıwın dawam ettiriw ushın anıq bir baǵdarǵa tayarlaydı;
  
• 
  instetut –barlıq joqarı bilimlendiriw mekemeleri sıyaqlı joqarı bilimlendiriw dástúrin orınlaydı, bilim beriwde bir baǵdarǵa qaratılǵan bilim beriledi.
  

Joqarı bilim alıw ushın mámleketlik emes mekemelerdi dúziwge nızamshılıq ruxsat beredi. Bul mekemege mámleket akkretaditaciyanı attestaciyadan tiyisli tártipte ótkennen keyin ǵana berse ol oqıtıw huqıqına iye.

Joqarı bilimlendiriwdiń tiykarǵı maqseti zaman talaplarına juwap bere alatuǵın tájriybeli, básekiles, joqarı bilimli, joqarı bilim qániygesi talaplarına ózi tańlaǵan baǵdarı boyınsha talaplarǵa juwap bere alatuǵın respublikanıń ilim-pán, mádeniyat, ekanomika, social tarawlardı rawajlantırıwda óz úlesin qosatuǵın mustaqıl pikirley alatuǵın, joqarı mánáwiyatqa bolǵan joqarı potenciyallı qániygelerdi tayarlaw. Joqarı bilimlendiriwdiń tiykarǵı wazıypalarına tómendegiler kiredi⁸:

• 
  Ma'mleketlik tálim standartına muwapıq zamanagóy dástúrler tiykarında oqıtıwdıń sıpatın támiyinlew;
  
• 
  Joqarı tájriybeli ilimiy-pedagogik kadrlardı tayarlaw;
  
• 
  Ilim-pán, mádeniyat, ekanomikanıń zamanagóy jetiskenlikleri, mámlekettiń ekanomikalıq, social istiqbolini jetiskenliklerin esapqa alǵan halda kadrlar tayarlaw sistemasın ketilistiriw;
  
• 
  Joqarı tálimniń insanparwarlıǵın támiyinlew maqsetinde jaslar tárbiyasına milliy istiqlol ideası tiykarında milliy hám ulıwma insanıylıq qádiriyatlar, Watanǵa, shańaraqqa, átirap-ortalıqqa muhabbatın sińdiriw;
  
• 
  Oqıtıwdıń interaktiv usılların, pedagogik innovacion hámde xabar kompyuter texnologiyaların, ózbetinshe tálim alıw, aralıqtan oqıtıw tálim sistemasın ámeliyatqa en jaydırıw;
  
• 
  Joqarıbilimlendiriwde pán hám islep shıǵarıw mexanizmlerin islep shıǵıw hám ámeliyatta qollaw;
  
• 
  Ilimiy-pedagogik kadrlar hám tálim alıwshılardıń ilimiy-dóretiwshilik iskerligi, ilimiy izzertlewleri járdeminde pán, texnika, texnalogiyalardı rawajlantırıw, bilimlendiriw processi arqalı mámleket ekanomikasınıń rawajlanıwına úles qosıw;
  
• 
  Mámleketlik hám mámleketlik emes joqarı oqıw mekemelerin rawajlantırıw tiykarında tálim xızmetleri bazarında báseki ortalıǵın júzege keltiriw;
  
• 
  Joqarı oqıw mekemelerin basqarıw hám keńeytiriwdi jetilistiriw ushın jámáát basqarıwınıń wákillik hám gúzetiwshi keńeslerin kiritiw;
  
• 
  Tálim hám kadrlar tayarlaw sıpatın tekseriw ushın marketing izzertlewlerin alıp barıw, baǵdarı boyınsha belgilengen miynet penen támiyinlew monitoringin dúziw;
  
• 
  Joqarı bilimlendiriw tarawında eki tárepleme paydalı xalıqara baylanıslardı rawajlantırıw.
  

Joqarı bilimlendiriw eki basqıshtan ibarat: