Ózbekstan Respublikası Xalıq bilimlendiriw ministrligi tárepinen

64-§. mádeniy ósimliklerdiń kelip shıǵıwı hám 
hár túrli orayları
Bar haywan porodaları hám mádeniy ósimlikler sortlarınıń 
geno fondı, dáslepki jabayı túrleriniń genofondına qaraǵanda 
kem bolatuǵınlıǵı tábiyiy nárse. Sonıń ushın da selekciyalıq 
jumıslardıń jetiskenlikleri tiykarınan ósimlik yaki haywanlardıń 
baslanǵısh toparlarınıń genetikalıq hár túrliligi menen bayla-
nıslı boladı. Ósimliklerdiń jańa sortları hám haywanlardıń jańa 
porodaların jaratıwda jabayı formalarınıń paydalı belgilerin 
izlew hám onı anıqlaw zárúr áhmiyetke iye boladı. Mádeniy 
ósimliklerdiń kóp túrliligi hám geografiyalıq tarqalıwın úyre-
niw maqsetinde rossiyalı genetik hám selekcioner ilimpaz 
N.I. Vavilov 1920—1940-jılları rossiya hám shet ellerge birneshe 
ekspediciyalardı shólkemlestirgen. Bul ekspediciyalar waqtında 
dúnyanıń ósimlik resursları úyrenilgen hám tuqımshılıq ushın 
oǵada zárúr kollekciya toplanǵan. Bular keyin ala selekciyalıq 
jumıslarda, yaǵnıy sortlardı jaratıwda paydalanılǵan.