Ózbekstan Respublikası Xalıq bilimlendiriw ministrligi tárepinen

65-§. Ósimlikler hám haywanlar selekciyası 
Selekciyanıń tiykarǵı wazıypası — adamlardıń azıq-awqat, 
esteti kalıq hám texnikalıq talapların tolıq qanaatlandırıw-
shı joqarı ónimdar haywan porodaları, ósimlik sortları hám 
mikroorganizmler shtammların jaratıwdan ibarat. 
Poroda
yamasa 
sort
(taza liniya) dep, adam tárepinen jasalma tárizde 
jaratılǵan organizmler populyaciyasına aytıladı. Bular turaqlı 
hám qımbatlı biologiyalıq sonday-aq, xojalıq qásiyetlerine iye 
bolıp, bul qásiyetler násilden-násilge ótedi. Hárbir poroda hám 
sort ózine tán qásiyetke, yaǵnıy reakciya normasına iye boladı. 
Mısalı, tawıqlardıń aq lekgorn parodası kóp máyek tuwadı. 
Jasaw jaǵdayları hám azıq-awqat penen támiyinleniwi jaqsı-
lansa, máyek tuwıwı artadı, biraq onıń massası ámelde art-
paydı. Fenotip (sonıń ishinde ónimdarlıq) belgili sharayatlarda 
kórinedi, sol sebepli klimat sharayatları agrotexnikalıq usılları 
hám basqarıwı hár qıylı bolǵan aymaqlar ushın iykemlesken 
poroda yaki sort jaratılıwı zárúr.