Ózbekstan respublikasí joqarí HÁm orta arnawlí bilimlendiriw ministrligi nawayí MÁmleketlik kanshilik instituti

Ámeliy jumıs -5

Tema: Termoximya.Termodinamika , entalpiya, Gibbs energiyası, ximiyalıq reaksiyalardıń ıssılıq effekti.

Ámeliy jumıstıń maqseti:Studentlerge ximiyalıq termodinamika haqqında sıpatlama beriw onıń nızamların ashıp beriw, ishki energiya hám termodinamik parametrlerdi túsindiriw.

Ximiyalıq reaksiyalar nátiyjesinde ajıralıp shıǵıw yamasa jutılatuǵın ıssılıq muǵdarı kórsetip jazılatuǵın ximiyalıq teńlemelerge termoximyalıq teńlemeler dep ataladı. Termoximiyalıq teńlemeler massa hám energiyanıń saqlanıw nızamlarına ámel etip dúziledi. Reaksiya nátiyjesinde ajıralıp shıǵıw yamasa jutılatuǵın ıssılıq muǵdarı joul yamasa kj larda ańlatpalanadı, (1 kkal = 4, 18 kj). Ximiyalıq reaksiya waqtında ajıralıp shıqqan yamasa jutılǵan ıssılıq muǵdarı reaksiyanıń ıssılıq effekti dep ataladı hám Нр menen belgilenedi.

Termodinamika nızamına muwapıq reaksiya waqtında ıssılıq ajıralıp shıqsa, sistemanıń ıssılıq tutimı azayǵanlıǵı sebepli, reaksiyanıń ıssılıq effekti teris (-) belgi menen, ıssılıq jutılsa oń (+) belgi menen kórsetiledi. Sonday eken, reaksiyanıń termodinamik ıssılıq effekti H termoximiyalıq ıssılıq effekti Qp dıń teris belgi menen alınǵan ma`nisine teń bolıp tabıladı:

-Н=Qp yamasa U=-Qp