Ózbekstan respublikasí joqarí HÁm orta arnawlí bilim ministrligi berdaq atíndaǵi qaraqalpaq mámleketlik universiteti

Referat ústinde islew tártibi
Temanı tańlaw
Kafedra tárepinen usınılǵan referat temaları mısal túrinde paydalanılsa boladı. ózińizdiń jeke pikirińizge hám qálewińizge juwap beretuǵın tema tańlawǵa háreket etiw maqsetke muwapı3. ózińizdiń qızıǵıwıńız shegarasında tańlanǵan mashqala hám onı tiykarlawǵa súyenip, kafedra usınǵan tematikaǵa kirmegen referat temasın tańlawıńız múmkin. Bunday jaǵdayda usınılıp atırǵan temańızdı qatań túrde ilimiy basshıńız benen kelisip alıwıńız zárúr.
2. Tayarlaw basqıshı: tiykarǵı dereklerdi úyreniw
Referat temasın tańlaǵanıńızdan soń
(1) tańlanǵan temaǵa baylanıslı sorawlar menen tanısıń:

• 
  Lektsiya materialların kórip shıǵıń;
  
• 
  pán boyınsha oqıw dástúrinde usı temanı úyreniw ushın usınılǵan ádebiyatlar menen qaytadan tanısıp, olardı analiz qılıń.
  

To’mendegiler tema mánisin, mazmunın, onıń úyrenilip atırǵan kurstaǵı ornı hám áhmiyetihakkında anıq ko’riniske iye bolıwıńızǵa járdem beredi.

(2) QMU axborot-resurs orayında, sonıń menen birge No’kis qalasındaǵı kitapxanalarda bar bolgan kataloglardan paydalanıp referat teması boyınsha ádebiyatlar deregin keńeytiriń.

Oqıw hám monografiyalıq ádebiyatlar menen bir qatarda tómendegi aylıq jurnallarda: «Ilim hám jámiyet», «Vestnik», gazetalar Balalar sporti, O’zbekstan futbolı, Inter futbol, Futbol ekspress hám usıǵan uqsas baspadan shıqqan ilmiy maqalalardan paydalanıw múmkin.
Referattıń sapasın jaqsılawda temaǵa baylanıslı ózbekstan Respublikasınıń nızamlıq hújjetler hám húkimet qararlarınan paydalanıw ulken áxmiyetke iye.
Jumıstıń dáslepki basqıshınıń juwmaǵı bolıp bibliografiya xızmet etedi.
Referat rejesin dúziw
Referat rejesi tómendegilerden ibarat bolıwı lazım:
- kirisiw;
- tiykarǵı bólim;
- juwmaqlaw;
- paydalanılǵan ádebiyatlar dizimi;
- qosımsha (zarúrlik bolsa).
- Referat rejesi tańlanǵan temaǵa baylanıslı hám onıń tiykarǵı mazmunın qamtıp alatuǵın sorawlar dizimi anıqlaydı. Ol referatqa tema boyınsha materiallardı jıynawda baǵdar alıwǵa imkániyat beredi, onıń tuwrı tańlanıwın hám mánisin ashıp ьeriwintámiyinleydi.