Ўзбекистонда меҳнат ресурсларидан самарали фойдаланиш йўллари

Таҳлил ва натижалар 
Мамлакатимиз иқтисодиётида олиб борилаётган изчил ислоҳотлар бандлик 
ва меҳнат бозорининг ривожланишига ҳам туртки бўлмоқда. Таҳлилларга кўра 
2017 йилда республика бўйича меҳнат ресурслари сони 18 673 минг кишини 
ташкил этиб, 2000 йилга нисбатан 6 204 минг кишига ёки 49,8 % ўсган. Меҳнат 
ресурслари таркибида иқтисодий фаол аҳоли сони 14 357 минг кишини ташкил 
этган (жами меҳнат ресурсларининг 76,9 %) ва бу кўрсаткич 2000 йилга 
нисбатан 5 339 минг кишига ёки 59,2 % ўсган. Шу жумладан, республикада иш 
билан банд аҳоли сони 2017 йилда 2000 йилга нисбатан 50,5 %га ёки 4 537 минг 

---

“Иқтисодиёт ва инновацион технологиялар” илмий электрон журнали. № 6, ноябрь-декабрь, 2017 йил 
6 
№ 6, 2017

www.iqtisodiyot.uz
 
кишига ошган ва 13 520 минг кишини ташкил этмоқда. Кўриниб турибдики, 
таҳлил қилинаётган йиллар мобайнида иқтисодий фаол ва иш билан банд аҳоли 
сони кескин ўсган (1 ва 2 – расмлар).
Манба: Ўзбекистон Республикаси давлат статистика қўмитаси маълумотлари асосида муаллиф томонидан 
ҳисобланган. 
Меҳнат ресурсларининг мамлакатимиз ҳудудлари бўйича тақсимотига 
кўра, республика бўйича жами меҳнат ресурсларнинг энг юқори улуши 
Самарқанд (11,1 %) ва Фарғона (10,9 %) вилоятларига тўғри келмоқда. Кейинги 
ўринларда Қашқадарё (9,6 %), Андижон (9,2 %) вилоятлари ва бошқа вилоятлар 
эгаллаган. Меҳнат ресурсларининг энг паст улуши Сирдарё (2,5 %) ва Навоий 
(2,9 %) вилоятларига тўғри келмоқда (3-расм). 
3-расм. 2017 йилда меҳнат ресурсларининг ҳудудлар бўйича 
тақсимланиши 
Манба: Ўзбекистон Республикаси давлат статистика қўмитаси маълумотлари асосида муаллиф томонидан 
ҳисобланган. 
1-расм. Ўзбекистонда бандлик ва 
меҳнат бозори асосий