«Ўзбекистон темир йўллари» датк

1.11. Оралиқ қурилма юк кўтарувчанлиги (синфи)ни ошириш бўйича чора–тадбирлар, иншоотлар элементларининг юк кўтарувчанлигини қайта ҳисоблаш

Поездлар ҳаракати хавфсизлиги, ҳаракат состави ўтишининг характери ва унинг кўприк элементларига таъсирини кўприк кўтармасининг ҳолати белгилайди. Шунинг учун кўприкдаги ва унга киришдаги кўприк кўтармасини сақлаш бўйича кўприк усталарининг ўз вақтида огоҳлантириш, шикастланишлар пайдо бўлганда эса тезликда бартараф қилишни зиммасига юклайдиган жуда катта талаблар қўйилади.

Оралиқ қурилманинг физик ҳолати фойдаланишдаги кўприкни чуқур текшириш натижасида аниқланади. Текшириш натижаларига қараб, уларнинг юк кўтарувчанлиги, иншоот сифати баҳоланади, оралиқ қурилмаларнинг юк кўтарувчанлиги (синфи)ни ошириш чора–тадбирлари ишлаб чиқилади. Юк кўтарувчанлик қайта ҳисобланади, таъмирлаш услублари ва кўприкнинг баъзи элементларини кучайтириш белгиланади.
Олинган маълумотлар асосида кўприкни эксплуатация қилиш белгиланади.


1.12. Оралиқ қурилмаларнинг юк кўтарувчанлиги (синфи) ва узоққа чидамлилигини оширишнинг асосий услублари

1. Ҳисоблашда паст синф олинган ҳолатда йўл ўқи лойиҳа ҳолатигача силжитилади. Бу билан оралиқ қурилманинг мустаҳкамлиги ва чидамлилиги бўйича синфини оширишга эришилади.

2. Балласт коритаси қатламини балластни қирқиб олиш (кўприк усти ва унга киришда) ёки оралиқ қурилмани кўтариш ҳисобида меъёрий қийматгача камайтириш
3. Балласт қатлами қалинлигини бир вақтда йўл ўқини лойиҳа ҳолатигача силжитиш билан меъёрий қийматгача камайтириш.
4. Ёриқлар, бетоннинг парчаланиши, ҳимоя қатламининг ажралиб кетиши кўринишидаги нуқсонлар бўлганда, оралиқ қурилма тўсинини таъмирлаш талаб этилади. Нуқсонларнинг характерига қараб, таъмирлашнинг қуйидаги турлари бажарилади:
а) ёриқларни бекитиш;
б) ёриқларни сув ўтмайдиган қилиш;
в) бетон парчаланган жойларини таъмирлаш;
г) ҳимоя қатламларини қайта тиклаш.
5. Оралиқ қурилманинг юк кўтарувчанлиги етарлича бўлмаганда, уни кучайтириш лозим. Кучайтириш тўғрисидаги қарор кучайтириш вариантининг техник–иқтисодий тахлили асосида қабул қилинади. Қарорни танлашда оралиқ қурилмаларнинг умумий физик ҳолати жиддий таъсир қилади.