«Ўзбекистон темир йўллари» Бухоро минтақавий темир йўл узели Самарканд темир йўл масофа

4. Даврий йўриқлаш - Касб малакаси ва иш стажидан қатъи назар хавфсиз иш олиб бориш бўйича ишловчи ҳар уч ойда йўриқланиши (даврий йўриқлаш) керак.10-банднинг 4 ва 5- хат бошида кўрсатиб ўтилганлардан ташқари барча ишловчилар уларнинг малакаси , стажи, маълумоти ва бажараётган иш таснифига қарамасдан даврий йўриқлашдан ўтишлари керак.
Даврий йўриқлашнинг мақсади – муайян вақт ўтгандан сунг ишловчининг асосий касби ва тез-тез такрорланадиган иш турлари бўйича билимларини янгилаш ва хавфсизликлар тўғрисида қўшимча тушунчалар беришдир. Даврий йўриқлаш ишловчи билан якка тартибда ёки бир гуруҳ(турдош касблар, алоҳида турдаги ишлар) ишловчилари билан ўтказилади ва цех ёки ташкилот, бекат иш фаолиятидан аниқ мисоллар билан дастур асосида суҳбат сифатида ўтказилади. Белгиланган вақтларда баъзи сабабларга кўра (таътил, касаллик, хизмат сафари в.б.) даврий йўриқланмаган ишловчилар ишга чиққан биринчи кунда йўриқланиши керак. Хизмат кўрсатиш, синов ўтказиш, қурилма ва ускуналарни созлаш ва таъмирлаш ишлари ва ўта хавфли ишлар билан боғлиқ бўлмаган шахсларни даврий йўриқлаш ўтказиш шарт эмас. Даврий йўриқлашдан озод қилинган лавозимлар ва касб ходимлари руйхати тузилиши ва корхона раҳбари томонидан тасдиқланиб корхонанинг тегишли ҳужжатларида (стандарт, низом, бошлиқ буйруғи) акс эттирилиши керак.
Йўриқлашларни расмийлаштириш журналида ишларни хавфсиз бажариш бўйича вазифалар кўрсатилиб даврий йўриқлашлар расмийлаштирилади.
5. Навбатдан ташқари йўриқлаш- Ишни хавфсиз бажариш бўйича ишловчиларга навбатдан ташқари йўриқлашлар:
- ишлаб чиқариш жараёни ўзгарганда, бир турдаги қурилма бошқа турдагига ўзгартирилганда в.ҳ. ҳолларда;
- цех, бўлинма ва бригадада бахтсиз ҳодиса ёки авария содир бўлганда;
- ишни хавфсиз бажариш бўйича янги қоида ва йўриқномаларни киритиш орқали қўйилган қўшимча талабларни ишловчиларнинг эътиборига етказиш зарурияти тўғилганда;
- кўрилган чораларга қарамасдан ишлаб чиқариш интизоми, қоида ва йўриқномаларнинг бузилиш ҳоллари аниқланганда;
- ишдаги танаффусларда: меҳнат хавфсизлигининг қўшимча (кучайтирилган) талаблари қуйилган ишлар учун 30 календар кунидан зиёд, қолган ишлар учун эса 60 кундан зиёд бўлганда;
- ишловчини хизмат сафарига, шу жумладан бажариладиган бошқа таснифли ишга жўнатганда;
- НБТ-312 Низоми асосида мўҳим иш режими эълон қилинганда ўтказилади.
Навбатдан ташқари йўриқлаш ўтказишда бирламчи йўриқлаш дастурининг фақат йўриқлаш сабаби билан бевосита боғлиқ бўлган қисмини кўриб чиқиш лозимдир. Навбатдан ташқари йўриқлашлар даврий йўриқлашлар сингари бевосита иш раҳбарлари (цех, бекат бошлиқлари, уларнинг муовинлари, усталар в.ҳ.) томонидан ўтказилади. Навбатдан ташқари йўриқлашлар бирламчи, даврий йўриқлашлар сингари йўриқлашларни расмийлаштириш.