«Ўзбекистон темир йўллари» Бухоро минтақавий темир йўл узели Самарканд темир йўл масофа

УЛОҚСИЗ ТЕМИР ЙЎЛ ИЗЛАРИ (БЕССТЫКОВОЙ ПУТЬ) НИ
ҚУРИШ, САҚЛАШ ҚОИДАЛАРИГА БЎЛАДИГАН ТАЛАБЛАР

Янги қўйилаётган улоқсиз темир йўл излари маҳаллий шароитлар (стрелкали ўтказгичлар жойлашиши, кўприклар, тоннеллар, радиуси 350 м дан кичик темир йўл эгриликларида ва бошқалар) дан келиб чиққан ҳолда ўрнатилади. Шу билан бирга улоқсиз темир йўл изларини қуриш қоидалари бўйича, улоқсиз темир йўл излари блок-участка узунлигига тенг бўлиши, аммо 400 м дан кичик бўлмаслиги лозим.

S- образли ва яхлит темир йўл эгриликлари (одиночными кривыми радиусом) да радиуси 500 м дан кичик бўлганда, қаерда рельс бош қисми ён томонида кўпроқ ён едирилиш нуқсони кузатилганда, “ЎТЙ” АЖ Йўл хўжалиги бошқармаси бошлиғининг рухсати билан узунлиги 350 м дан кичик улоқсиз темир йўл излари қўйилиши мумкин.
Қисқа, узунлиги- 100 м дан кичик бўлмаган улоқсиз темир йўл излари Станцияларда стрелкали ўтказгичлар оралиғида қўйилиши мумкин. Бунда улоқсиз темир йўл изи стрелкали ўтказгичдан 2-пар узунлиги-12,5 м бўлган қисқа рельслар билан ажратиб қўйилади.
Темир йўл эгриликларида улоқсиз темир йўл изларини қўйишда ташқи рельслар ички рельсларга нисбатан узунроқ ўлчамларга эга бўлади, сабаби улоқсиз темир йўл излари охирида улар яъни, ташқи ва ички рельслар бир тўғри бурчак остида жойлашишлари учун.
Улоқсиз темир йўл изларини эксплуатация қилиш жараёнида рельс тирқишларида бир темир йўл изининг иккинчи темир йўл изидан қочиши масофаси 8 см дан кўп бўлмаслиги лозим.
Улоқсиз темир йўл изларини бошланиши ва охири қисми қуйидагича белги қўйилади:
Ҳар бир улоқсиз темир йўл изларини бошланиши ва охири қисмида, рельс пайвандловчи поезд (РСП) томонидан чиқариладиган, улоқсиз темир йўл изларини ички “бўйин” қисмида (йўл ўқи томонидан) “оқ” рангли бўёқ билан (РСП) поездининг рақами, улоқсиз темир йўл изларини пайвандланиш рўйхати бўйича рақами, “чап” ёки “ўнг” улоқсиз темир йўл излари эканлиги, улоқсиз темир йўл изларини узунлиги (метрда) кўрсатилади.