Ўзбекистон таълим, фан ва маданият ходимлари касаба уюшмаси Республика кенгаши Раёсатининг 2014 йил 28 майдаги 12/10 о-сонли қарорига 2-илова

3- ўрин учун – республикада белгиланган энг кам иш ҳақининг 4 баробаригача;
2- ўрин учун – республикада белгиланган энг кам иш ҳақининг 6 баробаригача;
1- ўрин учун – республикада белгиланган энг кам иш ҳақининг 8 баробаригача.
Кўрик-танловнинг 2-босқичи ғолибларини тақдирлаш жорий йилнинг 20 августига қадар тантанали тарзда ўтказилади.
5.8. Тармоқ бўйича 1- ўринни эгаллаган энг яхши корхона, касаба уюшма қўмитаси ва меҳнат муҳофазаси бўйича вакилнинг ҳужжатлари жорий йилнинг 15 августига қадар тармоқ касаба уюшмаси Республика кенгаши комиссияси томонидан Ўзбекистон касаба уюшмалари Федерацияси Кенгаши комиссиясига етказилади.
5.9. Кўрик-танловнинг 3-босқичида Федерацияси Кенгаши комиссияси тармоқлар бўйича 1-ўринни эгаллаган энг яхши корхона, касаба уюшма қўмитаси ва меҳнат муҳофазаси бўйича вакилнинг ҳужжатларини жорий йилнинг 15 сентябрига қадар баҳолаш мезонларига асосан (4, 5, 6-иловалар) кўриб чиқиб, ҳар бир номинация бўйича ишлаб чиқариш тармоқлари ва ноишлаб чиқариш тармоқлари бўйича алоҳида 1-, 2- ва 3- ўринларга номзодларни аниқлайди.
5.10. Ўзбекистон касаба уюшмалари Федерацияси Кенгашининг қарорига асосан алоҳида ишлаб чиқариш тармоқлари ва алоҳида ноишлаб чиқариш тармоқлари бўйича энг яхши корхона, касаба уюшма қўмитаси ва меҳнат муҳофазаси бўйича вакил номинациялари бўйича 1-, 2- ва 3- ўринни эгаллаганлар ғолиб деб ҳисобланади.
5.11. Кўрик-танловнинг учинчи босқичи ғолибларига бериладиган қимматбаҳо совғалар миқдори қуйидагича белгиланади:
3- ўрин учун – республикада белгиланган энг кам иш ҳақининг 8 баробаригача;
2- ўрин учун – республикада белгиланган энг кам иш ҳақининг 10 баробаригача;
1- ўрин учун – республикада белгиланган энг кам иш ҳақининг 12 баробаригача.
5.12. Кўрик-танловнинг учинчи босқичи ғолибларини тақдирлаш “7 октябрь – Бутунжахон муносиб меҳнат куни” арафасида Ўзбекистон касаба уюшмалари Федерацияси Кенгаши ҳамда тегишли вазирликлар, идоралар ва бошқа бошқарув органлари раҳбарлари, ғолибликни қўлга киритган корхоналар раҳбарлари ва касаба уюшмалари қўмиталари раислари иштирокида, оммавий ахборот воситалари вакилларини таклиф этган ҳолда тантанали тарзда ўтказилади.
5.13. Кўрик-танловнинг барча босқичи якунлари оммавий ахборот воситаларида эълон қилинади.