Ўзбекистон ресубликаси олий ва ўрта махсус таълим вазирлиги

Ўқув мақсадлари
Феъллар
1	Билиш	Қайтариб айтиш Қайд қилиш Хабар бериш Номламоқ, атамоқ Ёзмоқ	Ифодалаш Фарқлаш Таниб олиш Айтиб бериш Такрорлаш
2	Тушуниш	Далиллар келтирмоқ Алмаштирмоқ Аниқламоқ, белгиламоқ Тушунтирмоқ	Ўтказиш, айлантириш Ўзгартириб бериш Сурат билан кўрсатиш Изоҳ бериш, очиб ташлаш
3	Қўллаш	Тадбиқ этиш Ҳисоблаб чиқариш Намойиш этиш Фойдаланиш, ўргатиш	Аниқлаш Бажариш Ҳисоблаш Амалга ошириш, ечиш
4	Анализ	Келтириб чиқариш Ажратиб кўрсатиш Дифференциялаш Таснифлаш Таклиф этиш	Олдиндан айтиш Қисмларга ажратиш Тақсимлаш Текшириш Гуруҳлаш
5	Синтез	Кашф этиш Умумийлаштириш Режалаштириш Ишлаб чиқиш	Тизимга солиш Қўшмоқ, уламоқ Тузиш Лойиҳалаш
6	Баҳолаш	Диагностикалаш Исботлаш Асослаш Ўлчаш Маъқуллаш	Баҳолаш, текшириш Назорат қилиш, Таққослаш, Солиштириш, Қиёслаш

Когнитив ўқув мақсадлари Блум таксономияси бўйича қуйидаги даражаларга бўлинади.

«Билиш» даражаси когнитив соҳанинг энг қуйи босқичи бўлиб, у тушунчалар, далиллар ва тамойилларни эслаш демакдир. Бу босқичда шахс ўзлаштирган билимларини хотирада сақлаши ҳамда эслаши, уларни номлаши ва айтиб бера олиши керак.
«Тушуниш» босқичида ўзлаштирилган билимлар моҳияти ойдинлаштирилади ва англаб етилади.
«Кўллаш» босқичида шахснинг ўзлаштирган назарий билимлар турли шаклларда қўлланилади.
«Таҳлил» босқичи шахсга ўзлаштирилган билимларни таҳлил қилиш имконини беради.
«Синтез» босқичи шахсга ўзлаштирилган билимларни ўзаро бир-бирига боғлаш ва умумий алоқадорликларни аниқлаш имконини беради.
«Баҳолаш» даражаси энг юқори босқич ҳисобланади. Бу босқич олинган билимлар асосида маълум қадриятларга таълуқли ҳолатларни баҳолаш, қарор қабул қилиш, муаммоларни ҳал қилиш ва баҳолаш мезонларини яратиш кўникмаларини ўзлаштиришни назарда тутади.
Шуни таъкидлаш лозимки, ҳар бир даража ўзидан олдинги даражадаги билимларни ўзлаштиришни тақозо қилади.
Ўқув мақсадларни ифодалашга қуйидаги Бройер (BRAUER), Шмидт (SCHMIDT) таксономияларидан фойдаланиш ҳам тавсия этилади.

Ўқув мақсадлари даражаларининг тавсифи	Тушунчалар
Билим соҳаси билан дастлабки танишув.	Танишиш
Фаннинг асосий мазмуни ва фаолият усулларини билиш.	Билим
Билимларни таққослаш, методлар ва усулларни солиштириш	Солиштириш, таққослаш
Фаолият усулларини тўлиқ эгаллаш.	Эгаллаш
Эгалланган билимлар ва фаолият усулларини амалда қўллай оладилар.	Қўллаш
Мазмунни, олинган натижаларини таҳлил қилиш, баҳолаш ва зарур ҳолларда ўзгартириш.	Баҳолаш
Эгалланган билим, кўникмалар асосида фаолиятни мустақил режалаштириш, амалга ошириш ва назорат қилиш.	Амалга ошириш

I. Мавзу: Фотосинтез
Таълим соҳаси: Ўсимликлар ва уларни қўллаш. Ўсимликларнинг ривожланишида ҳаёт фаолияти жараёнлари.
Ўқув машғулотининг давомийлиги 90 дан 135 минутгача
Умумий мақсадлар:
Таълим олувчилар фотосинтезнинг аҳамиятини, фотосинтез жараёнини тавсифлаб бера оладилар.
Аниқ ўқув мақсадлари:

• 
  таълим олувчилар «фотосинтез» тушунчасини тушунтириб бера оладилар;
  
• 
  таълим олувчилар фотосинтез қонунини айтиб берадилар ва таъсир этувчи омилларнинг ўзаро боғлиқлигини тушунтириб берадилар;
  
• 
  таълим олувчилар ёруғликдаги ҳамда қоронғуликдаги реакциялар орасидаги фарқни тавсифлай оладилар;
  
• 
  таълим олувчилар боғдорчиликдаги фотосинтезга таъсир қилувчи кўрсаткичлари, тўғрисидаги зарурий билимларни амалда қўллай оладилар.