Ўзбекистон республикасининг

Хавфли ишлаб чиқариш объектларини хисобга олиш ва идентификациялаш
Хавфли ишлаб чиқариш объектлари саноат хавфсизлиги сохасидаги махсус ваколатли давлат органи (бундан буён матнда махсус ваколатли давлат органи деб юритилади) томонидан хавфли ишлаб чиқариш объектларининг давлат реестрида албатта хисобга олинади.
Хавфли ишлаб чиқариш объектларини идентификациялаш Ўзбекистон Республикаси Вазирлар Махкамаси томонидан белгиланган тартибда ушбу Қонуннинг 4-моддасига мувофиқ амалга оширилади.
Саноат хавфсизлиги сохасида давлат томонидан тартибга солиш
Саноат хавфсизлиги сохасида давлат томонидан тартибга солиш Ўзбекистон Республикаси Вазирлар Махкамаси, махсус ваколатли давлат органи, шунингдек қонун хужжатларига мувофиқ саноат хавфсизлиги сохасида айрим ваколатларга эга бўлган бошқа давлат органлари томонидан амалга оширилади.
Саноат хавфсизлиги сохасида давлат томонидан тартибга солиш:
саноат хавфсизлиги талабларини белгилашни;
саноат хавфсизлиги талабларига риоя этилиши устидан давлат назоратини;
хавфли ишлаб чиқариш объектларида қўлланиладиган техника қурилмаларини сертификатлаштиришни;
фаолиятнинг айрим турларини лицензиялашни;
саноат хавфсизлиги экспертизасини;
қонун хужжатларига мувофиқ бошқа чораларни ўз ичига олади.
Саноат хавфсизлиги талаблари
Саноат хавфсизлиги талаблари қонун хужжатларида, шунингдек норматив техник хужжатларда назарда тутилган шартлар, тақиқлар, чеклашлар ва бошқа мажбурий талаблар бўлиб, уларга риоя этилиши саноат хавфсизлигини таъминлайди.
Хавфли ишлаб чиқариш объектини лойихалаш, қуриш ва фойдаланишга қабул қилиб олишга оид саноат хавфсизлиги талаблари
Хавфли ишлаб чиқариш объектини куриш, кенгайтириш, қайта қуриш, техник жихатдан қайта жихозлаш, консервациялаш ва тугатишни амалга ошириш учун лойиха хужжатлари саноат хавфсизлиги экспертизасининг ижобий хулосаси бўлиши зарур.
Хавфли ишлаб чиқариш объектини қуриш, кенгайтириш, қайта қуриш, техник жихатдан қайта жихозлаш, консервациялаш ва тугатиш жараёнида лойиха хужжатларидан четга чиқишларга йўл қўйилмайди. Хавфли ишлаб чиқариш объектини қуриш, кенгайтириш, қайта қуриш, техник жихатдан қайта жихозлаш, консервациялаш ва тугатишга доир лойиха хужжатларини ўзгартириш саноат хавфсизлиги экспертизасидан ўтказилиши керак.
Лойиха хужжатларини ишлаб чиққан ташкилотлар хавфли ишлаб чиқариш объектини қуриш, кенгайтириш, қайта қуриш, техник жихатдан қайта жихозлаш, консервациялаш ва тугатиш жараёнида белгиланган тартибда муаллифлик назоратини амалга оширади.
Хавфли ишлаб чиқариш объектини фойдаланишга қабул қилиб олиш белгиланган тартибда ўтказилади. Хавфли ишлаб чиқариш объектини фойдаланишга қабул қилиб олиш жараёнида хавфли ишлаб чиқариш объектининг лойиха хужжатларига мувофиқлиги, ташкилотнинг хавфли ишлаб чиқариш объектидан фойдаланишга хамда хавфли ишлаб чиқариш объектида авариянинг кенгайиб кетишига йўл қўймаслик ва унинг оқибатларини тугатиш бўйича харакатларга тайёрлиги текширилади.