Збекистон республикасининг

466-модда. Қишлоқ хўжалиги маҳсулотини
етиштирувчининг мажбуриятлари
Қишлоқ хўжалиги маҳсулотини етиштирувчи ўстирилган 
(ишлаб чиқарилган) қишлоқ хўжалиги маҳсулотини тайёрловчига 
контрактация шартномасида назарда тутилган миқдор ва ассор-
тиментда топшириши шарт.
Агар маҳсулот етиштирувчи ушбу модданинг биринчи қисмида 
кўрсатилган мажбуриятларини бажармаганлиги оқибатида қишлоқ 
хўжалиги маҳсулоти контрактация шартномасида назарда тутилган 
миқдор ва ассортиментда олинмаслиги олдиндан маълум бўлиб 
қолса, тайёрловчи шартномани бекор қилишни ёки ўзгартиришни 
ва зарарни қоплашни талаб қилишга ҳақли.
1. Тарафлар шартномада товарни топшириш мажбуриятини бажариш 
тартибини (ФК 390-модда), идиш ва ўраш тартибини (ФК 414-моддаси), 
товарни топшириш муддати ва даврларини (ФК, 440-моддалари) ва 
маҳсулотни топшириш мажбуриятини бажаришга доир бошқа шартларни 
белгилаб олади.
2. Мавжуд амалиётдан келиб чиққан ҳолда шартномада топшириш 
муддати билан боғлиқ бўлган, тайёрловчининг етиштирувчини идиш 
ва ўраш билан билан таъминлаши, қишлоқ хўжалиги маҳсулоти учун 
олдиндан ҳақ тўлаши ва ҳ.к. юзасидан муқобил мажбуриятлари назарда 
тутилиши мумкин.
3. Топширилиши лозим бўлган қишлоқ хўжалиги маҳсулотининг 
миқдори шартномада аниқ белгиланган бўлиши лозим. Олди-сотдига 

---

148
оид умумий қоидаларга мувофиқ, агар олди сотди шартномасида 
топширилиши лозим бўлган товар миқдорини аниқлаш имконини 
бермаса, шартнома тузилмаган ҳисобланади. Ушбу шартни амалга 
ошириш учун мазкур шарт контрактация шартномасига киритилган 
бўлиши зарур.
4. Ўзбекистон Республикаси Вазирлар Маҳкамасининг 2003 йил 
4 сентябрдаги 383-Қарори билан тасдиқланган «Қишлоқ хўжалиги 
маҳсулотлари етиштирувчилар билан тайёрлов, хизмат кўрсатиш ташкилотлари 
ўртасида шартномалар тузиш, уларни рўйхатдан ўтказиш, бажариш, 
шунингдек уларнинг бажарилиши мониторингини олиб бориш тартиби 
тўғрисида»ги Низомда қишлоқ хўжалиги маҳсулотини етиштирувчининг 
қуйидаги алоҳида мажбуриятларини ҳам назарда тутади:
B
маҳсулотнинг муайян турларини тайёрловчи ташкилотга шартномада 
белгиланган миқдорларда ва ассортиментда ҳамда муддатларда тегишли 
сифат билан етказиб бериш;
B
илова қилинаётган ҳужжатларни тўғри расмийлаштириш ва 
маҳсулотни топширишда қўйиладиган бошқа талабларга (идишга жойлаш, 
қадоқлаш, қорамолларни тамғалаш ва бошқаларга) риоя этиш;
B
маҳсулотни тайёрлов ташкилотига топшириш учун ўз вақтида 
тайёрлаш;
B
етказиб берилган моддий-техника ресурслари ва кўрсатилган 
хизматлар (бажарилган ишлар) учун тўловни (ҳисоб-китобларни) хизмат 
кўрсатиш ташкилотлари билан тузилган шартномаларга мувофиқ ўз 
вақтида амалга ошириш.
Хўжалик қонун ҳужжатларига ва шартномага мувофиқ бошқа мажбурият-
ларни ҳам ўз зиммасига олади.