Ўзбекистон республикасининг

тўғрисидаги ажрими

Хўжалик суди қонуний кучга кирган суд ҳужжатини янги очилган ҳолатлар бўйича қайта кўриш тўғрисидаги аризани кўриб, аризани қаноатлантиради ва суд ҳужжатини бекор қилади ёхуд қайта кўришни рад этади.

Суд ҳужжатини янги очилган ҳолатлар бўйича қайта кўриш тўғрисидаги аризани қаноатлантиришни рад этиш ҳақидаги хўжалик судининг ажрими устидан шикоят қилиш (протест келтириш) мумкин.
Суд ҳужжати бекор қилинган тақдирда иш хўжалик суди томонидан ушбу Кодексда белгиланган қоидалар бўйича кўрилади.
IV БЎЛИМ. СУД ҲУЖЖАТЛАРИНИ ИЖРО ЭТИШ

209-модда. Суд ҳужжатларини ижро этиш тартиби

210-модда. Ижро варақаси
211-модда. Битта суд ҳужжати бўйича бир неча ижро варақаси бериш
212-модда. Ижро варақасини мазмуни
213-модда. Ижро варақасини ижрога тақдим этиш муддати
214-модда. Ижро варақасини ижрога тақдим этиш муддати узилиши
215-модда. Ижро варақасини ижрога тақдим этишнинг ўтказиб юборилган муддатини тикланиши
216-модда. Ижро варақасини дубликатини бериш
217-модда. Суд ҳужжатининг ижросини кечиктириш ёки уни бўлиб-бўлиб ижро этиш, ижро этиш усулини ва тартибини ўзгартириш
218-модда. Суд ҳужжатини ижро этмаганлик учун жавобгарлик
219-модда. Суд ҳужжатининг қайтарма ижроси
220-модда. Суд ҳужжатининг қайтарма ижроси тўғрисидаги масалаларни ҳал қилиш
209-модда. Суд ҳужжатларини ижро этиш тартиби

Қонуний кучга кирган суд ҳужжатлари Ўзбекистон Республикасининг бутун ҳудудида барча давлат органлари, фуқароларнинг ўзини ўзи бошқариш органлари, ташкилотлар, мансабдор шахслар ва фуқаролар томонидан ушбу Кодексда ва бошқа қонунларда белгиланган тартибда ижро этилади.

210-модда. Ижро варақаси

Суд ҳужжатини мажбурий ижро этиш шу ҳужжатни қабул қилган хўжалик суди томонидан бериладиган ижро варақаси асосида амалга оширилади.

Ижро варақаси ундирувчига суд ҳужжати қонуний кучга киргандан кейин берилади. Пул маблағларини бюджет даромадига ундириш учун ижро варақаси қарздор турадиган жойдаги солиқ органига юборилади.
Пул маблағларини ундириш учун ижро варақаси ундирувчи томонидан банкка ёки бошқа кредит муассасасига, бошқа ҳолларда эса суд ижрочисига юборилади.