Ўзбекистон республикасининг

15-БОБ. ДАЪВО ТАҚДИМ ЭТИШ

112-модда. Даъво аризасининг шакли ва мазмуни

113-модда. Даъво аризасининг ва унга илова қилинадиган ҳужжатларнинг нусхаларини юбориш
114-модда. Даъво аризасига илова қилинадиган ҳужжатлар
115-модда. Бир нечта даъво талабини бирлаштириш ва ажратиш
116-модда. Даъво аризасини қабул қилиш
117-модда. Даъво аризасини қабул қилиш рад этиш
118-модда. Даъво аризасини қайтариш
119-модда. Даъво аризаси юзасидан фикр-мулоҳаза
120-модда. Қарши даъво тақдим этиш
121-модда. Ишни юритиш вақтида манзилнинг ўзгариши
112-модда. Даъво аризасининг шакли ва мазмуни

Даъво аризаси хўжалик судига ёзма шаклда берилади. У даъвогар ёки унинг вакили томонидан имзоланади.

Даъво аризасида қуйидагилар кўрсатилиши керак:
1) ариза берилаётган хўжалик судининг номи;
2) ишда иштирок этувчи шахсларнинг номи, уларнинг почта манзиллари;
3) агар даъво баҳоланиши лозим бўлса, даъвонинг баҳоси;
4) даъво талабларига асос бўлган ҳолатлар;
5) даъво талабларининг асосларини тасдиқловчи далиллар;
6) ундириладиган ёки низолашилаётган сумманинг ҳисоб-китоби;
7) даъвогарнинг қонун ҳужжатларини далил қилиб келтирган талаблари, даъво бир неча жавобгарга нисбатан тақдим этилганда эса - уларнинг ҳар бирига қўйилган талаблар;
8) низони жавобгар билан судгача ҳал қилиш (талабнома юбориш) тартибига риоя этилганлиги тўғрисидаги маълумотлар, агар бу шу тоифадаги низолар учун қонунда ёки шартномада назарда тутилган бўлса;
9) илова қилинаётган ҳужжатлар рўйхати.
Даъво аризасида, агар низони тўғри ҳал қилиш учун зарур бўлса, бошқа маълумотлар ҳам, шунингдек даъвогарда мавжуд илтимосномалар кўрсатилади.
113-модда. Даъво аризасининг ва унга илова қилинадиган
ҳужжатларнинг нусхаларини юбориш

Даъвогар даъво тақдим этганда ишда иштирок этувчи бошқа шахсларга даъво аризасининг ва унга илова қилинган, бу шахсларда бўлмаган ҳужжатларнинг нусхаларини юбориши шарт.