Ўзбекистон Республикасининг «Ҳуқуқбузарликлар профилактикаси тўғрисида»

9-модда. Ҳуқуқбузарликлар профилактикасини бевосита амалга оширувчи органлар ва муассасалар тизими
Ҳуқуқбузарликлар профилактикасини бевосита амалга оширувчи органлар ва муассасалар тизимига қуйидагилар киради:
ички ишлар органлари;
прокуратура органлари;
Давлат хавфсизлик хизмати органлари;
адлия органлари;
давлат божхона хизмати органлари;
давлат солиқ хизмати органлари;
меҳнат органлари;
таълимни давлат томонидан бошқариш органлари ва таълим муассасалари;
давлат соғлиқни сақлаш тизимини бошқариш органлари ва соғлиқни сақлаш муассасалари;
Ўзбекистон Республикаси Экология ва атроф-муҳитни муҳофаза қилиш давлат қўмитаси органлари.
Ушбу модданинг биринчи қисмида кўрсатилмаган органлар ва муассасалар ҳуқуқбузарликлар профилактикасида қонун ҳужжатларида белгиланган тартибда иштирок этади.

Ш А Р Ҳ

1. Қонуннинг ушбу нормасида келтирилган субъектлар тизими хизмат фаолияти давомида ҳуқуқбузарликлар профилактикасини бевосита амалга оширадилар, бошқача қилиб айтганда бу вазифа уларнинг функционал вазифаларидан бири саналади. Айнан шунинг учун ҳам қонунда ҳуқуқбузарликлар профилактикаси субъектлари тизими икки, яъни ҳуқуқбузарликлар профилактикасини бевосита амалга оширувчи ва ҳуқуқбузарликлар профилактикасида иштирок этувчи субъектлар тариқасида шакллантирилган.

2. Ушбу модданинг биринчи қисмида кўрсатилмаган органлар ва муассасалар ҳуқуқбузарликлар профилактикасини бевосита амалга оширувчи субъект тариқасида эътироф этилмайди. Улар фақатгина қонун ҳужжатларида белгиланган тартибда иштирок этади ва ҳуқуқбузарликлар профилактикасини амалга оширишда иштирок этувчи субъектлар сирасига киради.


10-модда. Ички ишлар органларининг ҳуқуқбузарликлар профилактикаси соҳасидаги ваколатлари