Ўзбекистон Республикасининг Қонунига тақҚослаш жадвали

Тўлдирилмоқда Тўлдирилмоқда тўлдирилмоқда Тўлдирилмоқда	451^1-модда. Металларнинг айрим турларини қазиб олишда (ажратиб олишда) солиқ базасини аниқлашнинг ўзига хос хусусиятлари (биринчи қисм) Олтин, кумуш, платина, палладий, мис, рух, қўрғошин ва молибден (бундан буён ушбу моддада металлар деб юритилади) бўйича солиқ базаси руда, концентрат ва (ёки) қайта ишланган якуний маҳсулот (тайёр маҳсулот) таркибидаги ҳар бир металлга нисбатан аниқланади. (иккинчи қисм) Металларни қазиб олишда (ажратиб олишда) солиқ базаси қуйидагилар ҳисобланади: 1) агар ушбу қисмнинг 2-бандида бошқача тартиб назарда тутилмаган бўлса, рудани (концентратни) реализация қилишда унинг таркибида мавжуд бўлган металл ҳажмига қўлланган ўртача арифметик биржа баҳоси ва ўртача олинган реализация қилиш баҳоси ўртасидаги юқори нарх бўйича ҳисобланган, уларга ишлов бериш (бойитиш), қайта ишлаш (аффинаж) ва (ёки) ташиш харажатларини чегирган ҳолда қазиб олинган (ажратиб олинган) металл қиймати; 2) олтин ва мисни реализация қилишда – руда, концентрат ва (ёки) қайта ишлашнинг якуний маҳсулоти (тайёр маҳсулот) таркибида мавжуд бўлган металл ҳажмига металл таркибига нисбатан қўлланиладиган солиқ (ҳисобот) даври учун ўртача арифметик биржа нархи ва ўртача олинган реализация қилиш баҳоси ўртасидаги юқори нарх бўйича ҳисобланган, уларга ишлов бериш (бойитиш), қайта ишлаш (аффинаж) ва ташиш харажатлари чегирилмаган ҳолдаги қазиб олинган (ажратиб олинган) металлнинг қиймати. Бунда солиқ тўловчи олтин ва мис учун солиқ солинадиган базани ушбу харажатларни чегирган ҳолда белгилаш ҳуқуқига эга; 3) мустақил равишда ёки қайтариш шарти билан қайта ишлашга бериш асосида ажратиб олинган кумуш, платина, палладий, рух, қўрғошин ёки молибденни реализация қилишда – солиқ тўловчи томонидан унга ишлов бериш (бойитиш), қайта ишлаш ва (ёки) ташишга қилинган харажатларни чегирган ҳолда қазиб олинган (ажратиб олинган) металлнинг солиқ (ҳисобот) даврида ўртача арифметик биржа нархи ва ўртача реализация нархи ўртасида олинган энг юқори нархи бўйича ҳисобланган қиймати. (учинчи қисм) Агар ажратиб олинган кумуш, платина, палладий, рух, қўрғошин ёки молибден рудада асосий металл бўлмаса ёки уларни ажратиб олиш олтин ва (ёки) мис ажратиб олинаётган (бойитилаётган, қайта ишланаётган) ишлаб чиқариш қувватларида амалга оширилаётган бўлса, солиқ тўловчи солиқ базасини уларнинг ишлов бериш (бойитиш), қайта ишлаш (аффинаж) ёки ташиш харажатларни чегирмаган ҳолда аниқлашга ҳақли. (тўртинчи қисм) Кумуш, платина, палладий, рух, қўрғошин ёки молибден ажратиб олишда, ушбу металлар рудадаги асосий металлар бўлса, бошқа металлар, шу жумладан олтин ва мис бўйича солиқ базаси уларга ишлов бериш (бойитиш), қайта ишлаш (аффинаж) ва ташиш харажатлари чегириб ташланган ҳолда аниқланади. (бешинчи қисм) Агар солиқ тўловчи металлар билан бирга бошқа қимматбаҳо, рангли ва радиоактив металларни, шунингдек, ушбу модданинг биринчи қисмида назарда тутилмаган нодир ва нодир ер элементларни ажратиб олаётган бўлса, бошқа металлар (элементлар) бўйича солиқ базаси уларга ишлов бериш (бойитиш), қайта ишлаш (аффинаж) ва ташиш харажатларини чегирган ҳолда ўртача олинган реализация қилиш нархи бўйича белгиланади. (олтинчи қисм) Агар, солиқ тўловчи рудадаги асосий металлар билан бирга бошқа металларни, шу жумладан техноген чиқиндилардан (чанг, шлак, кек, шлам ва бошқалар) ажратиб олса, ушбу металлар (элементлар) бўйича солиқ солинадиган база уларга ишлов бериш (бойитиш), қайта ишлаш (аффинаж) ва ташиш харажатларини чегирган ҳолда ўртача олинган сотиш (ўртача арифметик биржа) баҳосидан келиб чиқиб белгилаши мумкин. (еттинчи қисм) Солиқ (ҳисобот) даври учун олтин, кумуш, паладий ва платина бўйича ўртача арифметик биржа нархи солиқ органлари томонидан Лондон қимматли металлар бозори уюшмасининг (London Bullion Market Association) эрталабки фиксинги асосида, бошқа металлар бўйича эса – Лондоннинг металл биржаси (London Metal Exchange) маълумотларига асосан аниқланади. (саккизинчи қисм) Солиқ (ҳисобот) даври учун ўртача арифметик биржа нархи металлар нархини қўшиш орқали ҳосил бўлган суммани Ўзбекистон Республикаси Марказий Банки томонидан (нархлар қайси валютада белгиланган бўлса, шу валюта бўйича) эълон қилинган валюта курсига кўпайтириш ва кўрсатилган нархлар белгиланган кунлар сонига бўлиш орқали аниқланади. (тўққизинчи қисм) Солиқ (ҳисобот) даври учун ўртача олинган реализация қилиш баҳоси солиқ тўловчи томонидан мустақил равишда ушбу Кодекс 451 моддасининг тўртинчи қисмида назарда тутилган тартибда аниқланади. (ўнинчи қисм) Солиқ органлари, ҳар ойда, солиқ (ҳисобот) давридан кейинги ойнинг 10 санасидан кечиктирмай, улар томонидан ушбу модданинг еттинчи ва саккизинчи қисмларига мувофиқ ҳисобланган ҳар бир металл тури учун ўртача арифметик биржа нархини Ўзбекистон Республикаси Давлат солиқ қўмитасининг расмий веб-сайтида жойлаштирадилар.
Ушбу моддада London Bullion Market Association ва London Metal биржасининг халқаро биржаларида келтирилган металларнинг айрим турлари (олтин, кумуш, платина, палладий, мис, рух, қўрғошин ва молибден) учун солиқ базасини аниқлаш тартибининг ўзига хослиги келтирилган.