(биринчи қисм) Солиқ тўловчи ушбу Кодекснинг 306-моддасига мувофиқ аниқланадиган активнинг бошланғич қийматидан келиб чиққан ҳолда амортизация қилиниши лозим бўлган амортизация қилинадиган активлар бўйича инвестициявий чегирмаларни ушбу моддада белгиланган тартибда ва шартларда қўллашга ҳақли.
…
(учинчи қисм) Инвестициявий чегирма қуйидаги миқдорда қўлланилади:
1) янги технологик ускуналар қийматининг, ишлаб чиқаришни модернизация қилиш, техник ва (ёки) технологик жиҳатдан қайта жиҳозлаш харажатларининг ва (ёки) ахборот тизимларини яратишга доир инвестиция лойиҳалари доирасида маҳаллий ишлаб чиқаришнинг дастурий таъминотини сотиб олишга йўналтириладиган маблағлар суммаларининг 20 фоизи миқдорида;
2) ишлаб чиқаришни янги қурилиш шаклида кенгайтиришга, ишлаб чиқариш эҳтиёжлари учун фойдаланиладиган бинолар ва иншоотларни реконструкция қилишга йўналтириладиган маблағлар суммасининг 10 фоизи миқдорида.
…
(олтинчи қисм) Ушбу модда мақсадларида товарларни (хизматларни) ишлаб чиқариш жараёнида солиқ тўловчи томонидан фойдаланиладиган, чиқарилган кунидан эътиборан кўпи билан уч йил ўтган машиналар
ва ускуналар (шу жумладан транспорт ускуналари) янги технологик ускуналар деб эътироф этилади.
Чиқариб ташланмоқда
(еттинчи қисм) Амортизация қилинадиган актив у бўйича инвестициявий чегирма қўлланилган санадан эътиборан уч йил ичида реализация қилинган, бепул берилган ва бошқача тарзда чиқиб кетган тақдирда, инвестициявий чегирманинг амал қилиши бундай активнинг чиқиб кетиши рўй берган ҳисобот (солиқ) даврида жамғарилган амортизация суммасидан уни чегириб ташлаш орқали бекор қилинади. (саккизинчи қисм) Ушбу модда еттинчи қисмининг қоидалари амортизация қилинадиган активнинг фавқулодда вазиятлар (табиий офат, ёнғин, авария ва шунга ўхшаш бошқа ҳолатлар) туфайли чиқиб кетиши ҳолларига нисбатан, шунингдек амортизация қилинадиган активнинг бошланғич қиймати унинг чиқиб кетиш санасига қадар ушбу Кодекснинг 306-моддасида белгиланган нормалар бўйича тўлиқ амортизация қилиниши мумкин бўлган ҳолларда татбиқ этилмайди.
Амортизацияланадиган активлар бўйича инвестициявий чегирма уларни сотиб олиш йилида ҳисобланган амортизацияга қўшимча тарзида фойда солиғи бўйича солиқ базасини камайтириш имконини беради.
Бу таклиф мамлакатнинг инвестицион жозибадорлигини оширишга ёрдам беради, чунки бу солиқ базасини камайтириш орқали корхоналарнинг айланма маблағларини кўпайишига олиб келади.
Амалдаги Солиқ кодексининг 308-моддаси 2-4 бандалари таклиф этилаётган таҳрирдаги Солиқ кодексининг 306-моддаси йигирма иккинчи – йигирма тўртинчи қисмларига ўтказилмоқда.
Амалдаги Солиқ кодексининг 308-моддаси 2-4 бандалари таклиф этилаётган таҳрирдаги Солиқ кодексининг 306-моддаси йигирма иккинчи – йигирма тўртинчи қисмларига ўтказилмоқда.