138-модда. Камерал солиқ текшируви .... (иккинчи қисм) Солиқ органлари камерал солиқ текшируви ўтказилиши бошлангунига қадар текширувдан олдинги таҳлилни ўтказиши мумкин. (учинчи қисм) Текширувдан олдинги таҳлил –тақдим этилган солиқ ҳисоботини ва солиқ тўловчининг фаолияти тўғрисидаги бошқа ахборотни солиқ органлари томонидан ахборот тизимларидан фойдаланган ҳолда, солиқ тўловчининг иштирокисиз ўтказиладиган автоматлаштирилган таҳлилдир. (тўртинчи қисм) Текширувдан олдинги таҳлил солиқ органи раҳбарининг (раҳбар ўринбосарининг) буйруғисиз амалга оширилади. (бешинчи қисм) Агар текширувдан олдинги таҳлил чоғида солиқ органи томонидан тақдим этилган солиқ ҳисоботида солиқ органида мавжуд бўлган маълумотлар билан тафовутлар ва (ёки) хатолар аниқланса, солиқ тўловчига солиқ тўловчининг шахсий кабинети орқали солиқ ҳисоботига тегишли тузатишлар киритиш тўғрисидаги хабарнома юборилади. (олтинчи қисм)Солиқ тўловчи тегишли тузатишлар киритиш тўғрисидаги хабарнома олинган кундан эътиборан ўн кунлик муддатда аниқлаштирилган солиқ ҳисоботини ёки аниқланган тафовутларнинг асосномасини тақдим этиши шарт. Бундай мажбуриятнинг бажарилмаганлиги солиқ органи томонидан солиқ тўловчида камерал солиқ текширувини тайинлаш учун асос бўлади. (еттинчи қисм) Текширувдан олдинги таҳлил аниқлаштирилган солиқ ҳисоботи ёки аниқланган тафовутлар асосномаси солиқ тўловчи томонидан тақдим этилган ёхуд камерал солиқ текшируви тайинлаган санадан эътиборан якунланган ҳисобланади. ... (ўн бешинчи қисм) Солиқ тўловчи тузатишлар киритиш тўғрисидаги талабнома олинган кундан эътиборан беш кун ичида тегишли солиқлар ва йиғимлар бўйича аниқлаштирилган солиқ ҳисоботини ёхуд тасдиқловчи ҳужжатларни тақдим этган ҳолда аниқланган тафовутларнинг асосномасини ушбу Кодексда белгиланган тартибда тақдим этиши шарт.
(йигирма иккинчи қисм) Қўшилган қиймат солиғи суммаси ўрнини қоплашга нисбатан камерал солиқ текшируви солиқ тўловчи томонидан солиқ даври учун солиқ ҳисоботи тақдим этиш чоғида солиқ органлари қўшилган қиймат солиғининг салбий суммаси ўрнини қоплаш (қайтариш) тўғрисида хабардор қилинган кундан эътиборан олтмиш кун ичида солиқ органининг буйруғисиз, Ўзбекистон Республикаси Вазирлар Маҳкамаси томонидан белгиланган тартибда амалга оширилади. Қўшилган қиймат солиғи суммаси ўрнини қоплашга нисбатан камерал солиқ текшируви натижаларига кўра солиқ ҳисоботига ўзгартишлар киритиш ҳақидаги талабнома ёзиб берилмайди.
Қўшимчалар солиқ назоратининг шаффофлигини оширадиган, инспектор ва солиқ тўловчи ўртасидаги тўғридан-тўғри алоқани чеклайдиган ҳамда коррупцияга қарши курашиш йўналишига эга бўлган янги рақамли усулларни яратиш ва жорий этиш зарурати билан боғлиқ.
Қўшимчалар солиқ назоратининг шаффофлигини оширадиган, инспектор ва солиқ тўловчи ўртасидаги тўғридан-тўғри алоқани чеклайдиган ҳамда коррупцияга қарши курашиш йўналишига эга бўлган янги рақамли усулларни яратиш ва жорий этиш зарурати билан боғлиқ.
Ушбу моддага янги қисм қўшилиши (таҳририй ўзгаришлар) туфайли ўзгартирилмоқда.
Ушбу моддага янги қисмлар қўшилиши (таҳририй ўзгаришлар) натижасида ўзгартирилмоқда.
Солиқ самарадорлигини ошириш учун киритилди.
Ушбу моддага янги қисмлар қўшилиши (таҳририй ўзгаришлар) натижасида ўзгартирилмоқда.
Ушбу моддага янги қисмлар қўшилиши (таҳририй ўзгаришлар) натижасида ўзгартирилмоқда.
Бугунги кунга қадар солиқ тўловчилар томонидан қўшилган қиймат солиғининг суммасини қайтариш учун солиқ тўловчилар томонидан солиқ органига алоҳида ариза тақдим этиш талаби мавжуд бўлиб, мазкур ўзгартиш орқали улар томонидан фақатгина солиқ органини хабардор қилиш орқали ҚҚСни қайтариб олиш имконияти яратилмоқда.
Шунингдек, мазкур норма Ўзбекистон Республикаси Президентининг “Қўшилган қиймат солиғи маъмуриятчилигини такомиллаштириш тўғрисида” 2021 йил 24 августдаги ПҚ–5231-сон қарорининг 3-бандига мувофиқ ишлаб чиқилди.
Солиқ қонунчилигини унификациялаш ва амалдаги қонунчиликка мувофиқлаштириш мақсадида чиқариб ташланмоқда (Ўзбекистон Республикаси Вазирлар Маҳкамасининг 2021 йил 7 январдаги 1-сон “Солиқ хавфини бошқариш, солиқ хавфи мавжуд солиқ тўловчиларни (солиқ агентларини) аниқлаш ва солиқ текширувларини ташкил этиш ва ўтказиш тўғрисида”ги қарор)