Ўзбекистон республикасининг қонуни «Ўзбекистон республикасининг давлат чегараси тўҒрисида» I. Умумий қоидалар

Собиров Шуҳрат Сотимбоевич
Собиров Шуҳрат Сотимбоевич 
1975 йил 26 июлда Андижон вилояти Избоскан 
туманида туғилган. МХХ Чегара Қўшинларининг 9209-сонли ҳарбий қисмида чегара пости 
бошлиғининг ўринбосари лавозимида хизматини олиб борди. 
2000 йил 18 август куни Бўстонлиқ туманининг чегара олди ҳудудида катта лейтенант Ш. 
Собиров бошчилик қилган чегара наряди кутилмаганда мамлакатимизга суқилиб кирган 
жангарилар тўдасига дуч келади. Икки ўртадаги отишмада сон жиҳатдан устун бўлган 
жангарилар чегарачиларга тинимсиз ўқ ёғдиради. Шунга қарамай ёш командир қўл 
остидагиларга ўрнак бўлиб мардларча жанг қилади. Ватанимиз ҳудудига жиноий ҳаракатлар 
содир этиш учун суқилиб кирган кимсаларга қарши аёвсиз ўқ ёғдириб, мамлакат ҳудуди 
ичкарисига ўтиб кетишига йўл қўймайди. Бир қанча босқинчиларни ер тишлатган катта 
лейтенант Ш. Собиров бу олишувда қаҳрамонларча ҳалок бўлади. 
Катта лейтенант Шуҳрат Собиров кўрсатган қаҳрамонлиги учун вафотидан сўнг 
“Жасорат” медали ва қатор кўкрак нишонлари билан мукофотланган. Жасур офицер хизмат 
қилган чегара пости ва Андижон вилояти Избоскан туманининг у туғилиб ўсган маҳалласига 
унинг номи берилган. 
Нарзиев Руслан Хамитович
Нарзиев Руслан Хамитович 
1976 йил 1 ноябрда Термиз шахрида туғилган. 1999 йилдан 
бошлаб МХХ чегара қўшинларининг 9117-сонли ҳарбий қисмида хизмат қилди. 
2000 йил 18 
август куни Бўстонлик тумани
чегара олди ҳудудларида жангари гуруҳларни йўқ қилиш 

---

206 
операцияси мобайнида 
катта сержант Нарзиев Руслан 
жангариларнинг бир нечта 
пистирмаларини аниқлайди ва бу ҳақда зудлик билан гуруҳ командирига хабар беради. Ўшанда 
Р. Нарзиев душман қуршовига тушиб қолганига қарамай, рация орқали жангарилар жойлашган 
ўт очиш нуқталарини йўқ қилишда фаол қатнашди. Натижада душман жойлашиб олган 
нуқталар ўққа тутилиб, чегара бузғунчилари йўқ қилинди. Бу жангда Р. Нарзиев мардлик ва 
жасорат кўрсатиб фидойиларча ҳалок бўлди. 
2001 йил 30 августдаги Президентимиз Фармонига мувофиқ Р. Нарзиев вафотидан сўнг
“Жасорат” медали билан мукофотланди.