Ўзбекистон республикасининг қонуни

12-1-модда. Умумий белгиланган ёшни бир йилга
қисқартирилган холда пенсия олиш ҳуқуқи
(ЎзР 14.04.1999 й. 760-I-сон Қонунига мувофиқ киритилган модда)

Ушбу Қонун 37-моддасининг "а", "б", "в" ва "г" бандларида назарда тутилган камида йигирма йиллик иш стажи бўлган аёллар эллик тўрт ёшга тўлганда пенсия олиш ҳуқуқига эга бўладилар.

13-модда. Лилипутлар ва паканаларга пенсиялар

Ушбу Қонуннинг 7-моддасида белгиланган ёшни 15 йилга қисқартирилган ҳолда пенсия олиш ҳуқуқига гипофизар миттилик касалига чалинганлар (лилипутлар) ва гавда тузилишида мутаносиблик бузилган паканалар:

эркаклар - иш стажи камида 20 йил бўлганда; аёллар - иш стажи камида 15 йил бўлганда эга бўладилар.
14-модда. Ёшга доир пенсияларни муддатидан олдин тайинлаш

Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар: (ЎзР 29.08.1998 й. 681-I-сон Қонуни таҳриридаги хатбоши)

эркаклар - 58 ёшга тўлганда ва иш стажи камида 25 йил бўлган тақдирда;
аёллар - 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар.


Қаранг: ВМ 2014 йил 23 декабрдаги 357-сон Қарори билан тасдиқланган "Фуқароларнинг давлат пенсия таъминоти тўғрисида"ги Ўзбекистон Республикаси Қонунига мувофиқ пенсия тўлашга харажатларни қоплаш Тартиби"нинг IV бўлими; АВ томонидан 1999 йил 7 январда 588-сон билан рўйхатга олинган "Алоҳида асосларга кўра меҳнат шартномаси бекор қилинганда ишдан бўшатилган ходимларга муддатидан олдин пенсия тайинлаш тартиби тўғрисида"ги Йўриқнома
III БОБ. НОГИРОНЛИК ПЕНСИЯЛАРИ

15-модда. Пенсияларни тайинлаш шартлари

16-модда. Ногиронлик гуруҳлари
17-модда. Пенсия олиш ҳуқуқини берадиган иш стажи
18-модда. Иш стажи тўлиқ бўлмаган чоғдаги пенсия