Ўзбекистон республикасининг қонуни

VIII БОБ. ПЕНСИЯЛАРНИ ҚАЙТА ҲИСОБЛАШ


Қаранг: ВМ 2011 йил 8 сентябрдаги 252-сон Қарори билан тасдиқланган "Давлат пенсияларини тайинлаш ва тўлаш тартиби тўғрисида"ги Низомнинг VII боби

49-модда. Пенсияларни қайта ҳисоблаш шартлари

50-модда. Минтақавий коэффициент ўзгарганда
пенсияларни қайта ҳисоблаш тартиби
51-модда. Тайинланган пенсияни қайта ҳисоблаш муддатлари
49-модда. Пенсияларни қайта ҳисоблаш шартлари

Пенсияларни қайта ҳисоблаш:

пенсионер пенсия миқдорига таъсир кўрсатувчи (пенсия тайинланишигача бўлган иш стажи ва иш ҳақи тўғрисидаги ҳамда бошқа) қўшимча ҳужжатларни тақдим этган тақдирда;
ногиронлик гуруҳи ўзгарганда;
боқувчисини йўқотганлик пенсияси оладиган оила аъзолари сони ўзгарганда;
пенсияни ҳисоблашнинг базавий миқдорлари ўзгарган тақдирда; (ЎзР 03.12.2019 й. ЎРҚ-586-сон Қонуни таҳриридаги хатбоши)


Шунингдек қаранг: Фуқаролар даромадлари солиғи олинмайдиган энг кам иш ҳақи, ягона тариф сеткаси бўйича бошланғич (нулинчи) даража ва пенсияларни ўзгартириш динамикаси

ЎзР 22.12.2010 й. ЎРҚ-272-сон Қонунига мувофиқ олтинчи хатбоши чиқариб ташланган

минтақавий коэффициент белгиланган (бекор қилинган) ёки унинг миқдори ўзгарган тақдирда;

ЎзР 22.12.2010 й. ЎРҚ-272-сон Қонунига мувофиқ еттинчи хатбошиси олтинчи хатбоши деб ҳисоблансин

даромадлар индексация қилинган тақдирда амалга оширилади.

Пенсионерлар пенсияни қайта ҳисоблаш учун ана шундай ҳуқуқ пайдо бўлганидан кейин исталган вақтда мурожаат этишлари мумкин.
ЎзР 22.12.2010 й. ЎРҚ-272-сон Қонунига мувофиқ 50-модда чиқариб ташланган


50-модда. Минтақавий коэффициент ўзгарганда
пенсияларни қайта ҳисоблаш тартиби

Минтақавий коэффициент белгиланган (бекор қилинган) ёки унинг миқдори ўзгарганда, шунингдек пенсионер доимий яшаш учун коэффициентлар белгиланмаган ёки бошқача миқдорда белгиланган ҳудудга кўчиб ўтганида пенсия энг кам ойлик иш ҳақидан келиб чиқиб, янги минтақавий коэффициентни инобатга олган ҳолда қайта ҳисобланади.