Ўзбекистон республикасининг қонуни

2-модда. Стандартлаштириш тизими 
(ЎзР 30.04.2013 й. ЎРҚ-352-сон Қонуни таҳриридаги модда номи) 
(Олдинги таҳририга қаранг) 
Ўзбекистон Республикасида стандартлаштириш ишларини ўтказишнинг умумий 
ташкилий-техник қоидаларини тартибга солиб турувчи стандартлаштириш тизими 
фаолият кўрсатади. 
(ЎзР 30.04.2013 й. ЎРҚ-352-сон Қонуни таҳриридаги қисм) (Олдинги 
таҳририга қаранг) 
Стандартлаштириш ишларини ташкил этиш, мувофиқлаштириш ва таъминлашни: 
халқ хўжалиги тармоқларида - Ўзбекистон стандартлаштириш, метрология ва 
сертификатлаштириш агентлиги ("Ўзстандарт" агентлиги); 
қурилиш, қурилиш индустрияси соҳасида, шу жумладан, лойиҳалаш ва 
конструкциялашда - Ўзбекистон Республикаси Давлат архитектура ва қурилиш қўмитаси; 
табиий ресурслардан фойдаланишни тартибга солиш ҳамда атроф-муҳитни 
ифлосланишдан ва бошқа зарарли таъсирлардан муҳофаза қилиш соҳасида - Ўзбекистон 
Республикаси Табиатни муҳофаза қилиш давлат қўмитаси; 
тиббиёт учун мўлжалланган маҳсулотлар, шу жумладан, тиббиёт учун мўлжалланган 
буюмлар, тиббий техника буюмлари, дори воситалари соҳасида, шунингдек Ўзбекистон 
Республикасида ишлаб чиқарилаётган, шу жумладан, импорт бўйича етказиб берилаётган 
маҳсулотларда инсон учун зарарли моддалар мавжудлигини аниқлаш масалаларида - 
Ўзбекистон Республикаси Соғлиқни сақлаш вазирлиги; 
(ЎзР 30.04.2013 й. ЎРҚ-352-сон 
Қонуни таҳриридаги хатбоши) (Олдинги таҳририга қаранг) 
мудофаа қобилиятини ва сафарбарлик тайёргарлигини таъминлаш, мудофаа 
аҳамиятига молик маҳсулотлар соҳасида - Ўзбекистон Республикаси Мудофаа вазирлиги 
амалга оширади. 
(ЎзР 03.04.2009 й. ЎРҚ-202-сон Қонуни таҳриридаги қисм) (Олдинги таҳририга 
қаранг) 
Ушбу Қонунга мувофиқ давлат бошқаруви органлари ўз ваколатлари доирасида 
стандартларни ишлаб чиқади, тасдиқлайди ва нашр этади. 
(ЎзР 30.04.2013 й. ЎРҚ-352-сон 
Қонуни таҳриридаги қисм) (Олдинги таҳририга қаранг)