Ўзбекистон республикасининг конститутсийавий суди тўҒрисида

9-модда. Конституциявий суднинг фаолият тартиби
Конституциявий суднинг фаолият тартиби ушбу Қонун, конституциявий суд ишларини юритиш соҳасидаги муносабатларни тартибга солувчи бошқа қонунлар ва Ўзбекистон Республикаси Конституциявий судининг Регламенти билан белгиланади.
Ўзбекистон Республикаси Конституциявий судининг Регламенти Конституциявий суднинг ички фаолияти билан боғлиқ масалаларни тартибга солади ва унинг мажлисида қабул қилинади.
2-боб. Конституциявий суд судясининг мақоми
10-модда. Конституциявий суднинг судяси лавозимига номзодга қўйиладиган талаблар. Конституциявий суд судяларининг малака даражалари
Сиёсат ва ҳуқуқ соҳаси мутахассиси бўлган, юксак маънавий фазилатларга ва зарур малакага ега бўлган, ўттиз беш ёшдан кичик бўлмаган Ўзбекистон Республикаси фуқароси Конституциявий суднинг судяси етиб сайланиши мумкин.
Конституциявий суднинг судясига Олий ёки Биринчи малака даражалари берилади. Олий малака даражаси Ўзбекистон Республикаси Президенти томонидан берилади. Биринчи малака даражаси Конституциявий суд томонидан берилади.
11-модда. Конституциявий суд судясининг қасамёди
Биринчи марта Конституциявий суднинг судяси етиб сайланган шахс қуйидаги мазмунда қасамёд қилади:
“Конституциявий суднинг судяси вазифаларини ҳалол ва виждонан бажаришга, конституциявий тузумни ҳимоя қилишга, бунда фақат Ўзбекистон Республикасининг Конституциясига бўйсунишга тантанали қасамёд қиламан”.
Қасамёд Конституциявий суднинг судяси томонидан Сенатнинг мазкур судя сайланган мажлисида қилинади.
12-модда. Конституциявий суднинг судяси лавозими билан бир вақтда шуғулланиб бўлмайдиган фаолият
Конституциявий суднинг судяси сенатор, давлат ҳокимияти вакиллик органининг депутати бўлиши мумкин емас.
Конституциявий суднинг судяси сиёсий партиянинг аъзоси бўлиши, сиёсий ҳаракатларда иштирок етиши, шунингдек илмий ва педагогик фаолиятдан ташқари ҳақ тўланадиган бошқа бирон-бир фаолият тури билан шуғулланиши мумкин емас.