Ўзбекистон республикасининг конститутсийавий суди тўҒрисида

13-модда. Конституциявий суд судясини алмаштириб бўлмаслиги
Конституциявий суднинг судяси ўз ваколатлари муддати давомида алмаштирилмайди. Конституциявий суд судясининг ваколатлари ушбу Қонунда белгиланган тартибдан ҳамда асослардан бошқача тарзда тугатилиши ёки тўхтатиб турилиши мумкин емас.
14-модда. Конституциявий суд судясининг дахлсизлиги
Конституциявий суд судяси дахлсиздир. Конституциявий суд судясининг дахлсизлик кафолатлари ушбу Қонун, шунингдек “Судлар тўғрисида”ги Ўзбекистон Республикаси Қонуни билан белгиланади.
Конституциявий суд судяси Конституциявий суднинг розилигисиз жиноий ёки маъмурий жавобгарликка тортилиши, шунингдек қамоққа олиниши мумкин емас.
Конституциявий суднинг судясига нисбатан қамоққа олиш тарзидаги еҳтиёт чораси унга ўта оғир жиноят ёхуд одамнинг ўлимига сабаб бўлган бошқа қасддан жиноят содир етганлик айби қўйилган ҳоллардагина қўлланилиши мумкин. Мазкур қоида Конституциявий суднинг Конституциявий суд судяси сифатида ишлаган даврида шундай жиноятни содир етганликда айбланаётган собиқ судясига нисбатан ҳам қўлланилади.
Конституциявий суднинг судясига нисбатан жиноят иши фақат Ўзбекистон Республикаси Бош прокурори томонидан қўзғатилиши мумкин.
Конституциявий суд судясини мажбурий келтириш, ушлаб туриш, худди шунингдек унинг шахсий ашёларини, багажини, транспортини, уй-жойини, хизмат хонасини кўздан кечиришга йўл қўйилмайди.
15-модда. Конституциявий суд судясининг ваколатларини тўхтатиб туриш
Конституциявий суд судясининг ваколатлари қуйидаги ҳолларда Конституциявий суднинг қарори билан тўхтатиб турилиши мумкин:
агар судяга нисбатан жиноят иши қўзғатилган бўлса ёхуд у бошқа жиноят иши бўйича айбланувчи сифатида жавобгарликка тортилган бўлса;
у судя лавозими билан бир вақтда шуғулланиб бўлмайдиган фаолият билан шуғулланганида;
у суднинг қарори билан бедарак йўқолган деб топилганида.
Конституциявий суд судяси ваколатларининг тўхтатиб турилиши унга иш ҳақи тўлашнинг тўхтатиб турилишига олиб келмайди ва судяни ушбу Қонунда белгиланган дахлсизлик кафолатларидан маҳрум етмайди, бундан еҳтиёт чораси сифатида судяга нисбатан қамоққа олиш танланган ҳоллар мустасно.
Конституциявий суд судясининг ваколатлари уларни тўхтатиб туриш асослари бекор бўлгунига қадар тўхтатиб турилади.
Судя ваколатларини тиклаш Конституциявий суд қарори билан расмийлаштирилади.