Ўзбекистон республикасининг фуқаролик процессуал кодекси

ЎЗБЕКИСТОН РЕСПУБЛИКАСИНИНГ
ФУҚАРОЛИК ПРОЦЕССУАЛ КОДЕКСИ

(ҚҲММБ, 23.01.2018 й., 02/18/ФПК/0612-сон; 12.10.2018 й., 03/18/496/2043-сон; 21.03.2019 й., 03/19/531/2799-сон; 11.05.2019 й., 03/19/536/3114-сон; 13.09.2019 й., 03/19/567/3737-сон; 23.10.2019 й., 03/19/572/3943-сон; 13.11.2019 й., 03/19/583/4016-сон; 15.11.2019 й., 03/19/584/4025-сон; 04.12.2019 й., 03/19/586/4106-сон; 07.01.2020 й., 03/20/600/0023-сон; 15.01.2020 й., 03/20/602/0052-сон; 11.03.2020 й., 03/20/607/0279-сон; 11.03.2020 й., 03/20/608/0278-сон; 13.01.2021 й., 03/21/661/0011-сон)

Мазкур Кодекс Ўзбекистон Республикасининг 22.01.2018 йил ЎРҚ-460-сон Қонуни билан тасдиқланган

01.04.2018 йилдан эътиборан амалга киритилади
Ушбу Кодексга Ўзбекистон Республикасининг қуйидаги қонунга мувофиқ ўзгартириш ва қўшимчалар киритилган:
11.10.2018 й. № ЎРҚ-496-сон; 20.03.2019 йил ЎРҚ-531-сон; 10.05.2019 йил ЎРҚ-536-сон; 12.09.2019 йил ЎРҚ-567-сон; 22.10.2019 йил ЎРҚ-572-сон; 12.11.2019 йил ЎРҚ-583-сон; 14.11.2019 йил ЎРҚ-584-сон; 03.12.2019 йил ЎРҚ-586-сон; 06.01.2020 йил ЎРҚ-600-сон; 14.01.2020 йил ЎРҚ-602-сон; 10.03.2020 йил ЎРҚ-607-сон; 10.03.2020 йил ЎРҚ-608-сон; 12.01.2021 йил ЎРҚ-661-сон.




I БЎЛИМ. УМУМИЙ ҚОИДАЛАР
1-боб. Асосий қоидалар
1-модда. Фуқаролик суд ишларини юритиш тўғрисидаги қонун ҳужжатлари
Фуқаролик суд ишларини юритиш тўғрисидаги қонун ҳужжатлари ушбу Кодекс ва бошқа қонун ҳужжатларидан иборатдир.
Фуқаролик суд ишларини юритиш тўғрисидаги қонун ҳужжатлари буйруқ тартибидаги ишларни, даъво тартибидаги ишларни, алоҳида тартибда юритиладиган ишларни, ҳакамлик судининг ҳал қилув қарори билан боғлиқ ишларни ва чет давлат судларининг ҳамда чет давлат ҳакамлик судларининг (арбитражларининг) ҳал қилув қарорларини тан олиш ва ижрога қаратиш билан боғлиқ ишларни кўриб чиқиш ҳамда ҳал этиш тартибини белгилайди.
Агар Ўзбекистон Республикасининг халқаро шартномасида Ўзбекистон Республикасининг фуқаролик суд ишларини юритиш тўғрисидаги қонун ҳужжатларида кўрсатилганидан бошқача қоидалар белгиланган бўлса, халқаро шартнома қоидалари қўлланилади.