Ўзбекистон республикасининг бюджет кодекси ўзбекистон Республикасининг

7-модда. Бюджет тизими принциплари

Бюджет тизими қуйидаги принципларга асосланади:

бюджет тизимининг ягоналиги;


Қаранг: БюКнинг 8-моддаси

бюджет тизимининг Ўзбекистон Республикаси маъмурий-ҳудудий тузилишига мувофиқлиги;

Қаранг: БюКнинг 9-моддаси

бюджет тизими бюджетларининг баланслилиги ва ўзаро боғлиқлиги;

Қаранг: БюКнинг 10-моддаси

бюджет тизими бюджетлари даромадларини прогноз қилиш ва харажатларини режалаштириш;

Қаранг: БюКнинг 11-моддаси

бюджет тизими бюджетлари маблағларидан фойдаланишнинг аниқ йўналтирилганлиги ва мақсадлилик хусусияти;

Қаранг: БюКнинг 12-моддаси

бюджет тизими бюджетларининг мустақиллиги;

Қаранг: БюКнинг 13-моддаси

бюджет тизими бюджетлари маблағларидан фойдаланишнинг натижадорлиги;

Қаранг: БюКнинг 14-моддаси

кассанинг ягоналиги;

Қаранг: БюКнинг 15-моддаси

бюджет жараёни иштирокчиларининг жавобгарлиги;

Қаранг: БюКнинг 16-моддаси

очиқлик.

Қаранг: БюКнинг 17-моддаси
8-модда. Бюджет тизимининг ягоналиги принципи

Бюджет ҳужжатлари ва бюджет ҳисоботларининг шакллари, бюджет таснифи ягона бўлиши ҳамда бюджет тизими бюджетларининг даромадлари ва харажатларини шакллантириш ҳамда ижро этиш, бюджет ҳисобини юритиш ва бюджет ҳисоботини тузишнинг ягона тартибини назарда тутиши лозим.

9-модда. Бюджет тизимининг Ўзбекистон Республикаси
маъмурий-ҳудудий тузилишига мувофиқлиги принципи

Бюджет тизими Ўзбекистон Республикасининг маъмурий-ҳудудий тузилишига мувофиқ бўлиши лозим.

Қаранг: Конституциянинг 68-моддаси; “Ўзбекистон Республикасида маъмурий-ҳудудий тузилиш масалаларини ҳал этиш тартиби тўғрисида”ги Қонун