Ўзбекистон республикасида таълим

 
Касб таълими жараёнининг узлуксизлиги ва узвийлигини таъминлашда
“Кейс-стади” методидан фойдаланиш 
 
Ш. Ғ. Азимова,
катта ўқитувчи Қарши ДУ 
Илм-фан, техника, ишлаб чиқариш ва технологиянинг жадал ривожланиши 
жамият ҳаётининг барча соҳаларида тараққиётининг янги истиқболларини 
очиб, замонавий талаб ва вазифаларни белгилаб бермоқда. 
Касб таълими олдидаги муҳим вазифалардан бири унинг узлуксизлиги ва 
узвийлигини таъминлашдир. Маълумки, таълимнинг узлуксизлиги таълим 
олувчиларнинг касбий сифатларга эга бўлишлари, мавжуд сифатларнинг ҳаётий 

---

150 
фаолият давомида такомиллашиб боришини назарда тутади. Шахсга унинг 
бутун умри учун асқотиши мумкин бўлган билимларни бериш мумкин эмас, 
зеро, мавжуд билимлар ҳар беш-ўн йил мобайнида ўзгариб, мазмунан бойиб 
боради. Шунингдек, ҳар бир соҳа тараққиёти илм-фан, техника ва 
технологиялардаги ўзгаришлар билан узвий боғлиқдир. 
Глобаллашув даврида касбий таълим жараёни узлуксизлиги ва 
узвийлигини таъминлашда ҳамда шахсни ҳар томонлама вояга етказиш, унда 
комиллик ва малакали мутахассисга хос сифатларни шакллантиришда 
инновацион таълим муҳим ўрин тутади. Бугунги тезкор давр талабаларини 
қисқа муддатда ва асосли маълумотлар билан қуроллантириш, улар томонидан 
турли фан асосларини пухта ўзлаштирилиши учун зарур шарт-шароитларни 
яратишни тақозо этмоқда. 
Инновацион таълим (ингл. “innovation” – янгилик киритиш, ихтиро) – 
таълим олувчида янги ғоя, меъёр, қоидаларни яратиш, ўзга шахслар томонидан 
яратилган илғор ғоялар, меъёр, қоидаларни табиий қабул қилишга оид 
сифатлар, малакаларни шакллантириш имкониятини яратадиган таълим 
ҳисобланади.
Таълим инновациялари таълим соҳаси ёки ўқув жараёнида мавжуд 
муаммони янгича ёндашув асосида ечиш мақсадида қўлланилиб, аввалгидан 
анча самарали натижани кафолатлай оладиган шакл, метод ва технологияларни 
ўз ичига олади. Замонавий таълимга хос муҳим жиҳатлардан бири – педагог
фаолиятининг инновацион характер касб этишига эришиш саналади. 
Педагогнинг инновацион фаолияти унинг янгиликни қўллашга тайёргарлиги, 
новаторлик даражаси, коммуникатив қобилиятнинг ривожланганлиги ва
ижодкорлиги билан белгиланади. 
Педагогнинг инновацион фаолиятида таълим жараёнига инновацион 
таълим технологияларини қўллаш маҳорати алоҳида аҳамият касб этади. 
Инновацион таълим бевосита интерфаол методлар ёрдамида ташкил этилади. 
Ҳозирги вақтда таълим тизимида инновацион характерга эга бўлган кўплаб 
интерфаол методлар қўлланилмоқда. “Кейс-стади” методи ана шундай 
методлардан бири бўлиб, хорижий мамлакатлар таълими амалиётида 
муваффақиятли қўлланиб келинмоқда ва бугунги кунда республика таълимида 
ҳам тобора оммалашиб бормоқда.