Ўзбекистон республикасида автомобиль транспортида йўловчилар ва багаж ташиш қоидаларини ҳамда автобусларда йўловчилар ташиш хавфсизлигини таъминлашга доир талабларни тасдиқлаш ҳАҚида

IX. Умумий фойдаланиладиган автобус йўналишларини очиш ва ёпиш
68. Янги автобус йўналишларини очишда йўл ҳаракати хавфсизлиги мақсадида темир йўлдан кесиб ўтишни инкор қилувчи ечим изланиши керак. Агар бунинг иложи бўлмаган тақдирда автобусларнинг темир йўл кесишмаси орқали ҳаракатланишига йўналишни текширувчи комиссия тақдимномасига кўра, темир йўл бошлиғи ёки темир йўлларни кесиб ўтиш йўллари тасарруфида бўлган ташкилот раҳбарининг рухсати билан йўл қўйилади.
69. Вақтинчалик (мавсумий) автобус маршрутлари агар:
паст қопламали йўллар бўйлаб автобус ҳаракатини очиш талаб этилса;
автобусларнинг оғирлик параметрлари ва ҳажмларининг автомобиль йўллари ҳақиқий тоифаларига мувофиқлигини таъминлаш имконияти бўлмаса;
автомобиль йўллари, кўчалар участкалари бўйлаб, сунъий иншоот, темир йўлдан кесиб ўтиш йўллари ва паром орқали ўтиш бўйича уларнинг техник ҳолати, муҳандислик ускуналари, сақлаш даражаси норматив ҳужжатлар талабларидан четга чиқилганда автобус ҳаракатини очиш зарур бўлганда ташкил этилиши мумкин.
70. Вақтинчалик (мавсумий) автобус йўналишини очишда йўналишнинг амал қилиш муддати (даври), шунингдек автобуслар ҳаракати хавфсизлигини таъминлаш мақсадида ташувчилар, йўл, коммунал ва бошқа ташкилотлар томонидан амалга оширилиши зарур бўлган чора-тадбирлар комплекси аниқ кўрсатилиши керак.
71. Автобус йўналишини ёпиш унинг ҳаракат хавфсизлиги талабларига ёхуд фаолият кўрсатиши мақсадга мувофиқ бўлмаган тақдирда амалга оширилади.
Олдинги таҳрирга қаранг.
72. Кечиктириб бўлмайдиган ҳолларда (табиий ҳодисалар сабабли йўллар, йўл иншоотлари бузилиши, йўл ёки метеорология шароитларининг ҳаракат хавфсизлиги таъминланмайдиган даражагача ёмонлашиши, иссиқлик, газ, электр коммуникацияларида ва бошқа коммуникациялардаги авариялар) ташувчилар, йўл, коммунал ташкилотлар ЙҲХДХ бўлинмалари, жойлардаги давлат ҳокимияти органлари ёки Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари автобус ҳаракатини дарҳол тўхтатиш ҳуқуқига эгадирлар, айни пайтда бу ҳақда тегишли ташувчилар, йўл, коммунал ташкилотларига, ЙҲХДХ бўлинмаларига хабар берилади.
(72-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Автобуслар ҳаракатини вақтинча тўхтатиш тартиби йўналишларни очиш ва ёпиш ваколатлари берилган органлар томонидан белгиланади.
73. Йўл, коммунал ташкилотлар, автокорхоналар, давлат автомабиль назоратлари, гидрометерология хизматлари, ЙҲХДХ бўлинмалари, йўловчилар автовокзаллари, автостанциялари ҳаракат учун хавфли бўлган табиий офатлар тўғрисидаги огоҳлантириш олинганлиги тўғрисида дарҳол бир-бирларига хабар қиладилар.
Довуллар тўғрисида огоҳлантириш олингач ташувчилар, автовокзаллар, автостанциялар табиий офат минтақасида автобусларда йўловчилар ташишни амалга оширувчи барча автокорхоналарни, хусусий шахсларни ҳаракатнинг вақтинча тўхтатилганлиги тўғрисида зудлик билан хабардор қилиш чора-тадбирларини кўришлари шарт.
74. Янги автобус йўналишларининг очилганлиги, ишлаб турганлари ёпилганлиги, уларнинг ўзгартирилганлиги, автобуслар ҳаракати вақтинча тўхтатиб турилиши тўғрисида ташувчилар, автовокзаллар, автостанциялар аҳолини, манфаатдор ташкилотларни хабардор қилади.
Олдинги таҳрирга қаранг.
75. Автобус йўналишларини текшириш бўйича комиссия таркиби йўналишни очиш (ёпиш) ҳуқуқига эга бўлган органнинг қарори билан тасдиқланади. Қоидага кўра ушбу органнинг вакили бошчилик қиладиган комиссия таркибига Ўзбекистон Республикаси Транспорт вазирлиги (Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари), ташувчилар, ЙҲХДХ бўлинмалари, йўл, коммунал ташкилотлар, темир йўл ва темир йўллар тасарруфида бўлган бошқа тузилмалар вакиллари киради.
Халқаро автобус йўналишини очишга тайёргарлик кўриш ишлари ҳудудидан йўналиш ўтиши мўлжалланаётган давлатлар ваколатли органларининг шундай вакилларидан иборат таркибда тузиладиган комиссия томонидан бажарилади. Комиссияга Ўзбекистон Республикаси Транспорт вазири ўринбосари бошчилик қилади.
(75-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)


(Ўзбекистон Республикаси қонун ҳужжатлари тўплами, 2003 й., 21-сон, 204-модда; 2006 й., 22-сон, 194-модда; 2011 й., 7-8-сон, 58-модда, 20-21-сон, 201-модда; 45-46-сон, 470-модда; 2012 й., 22-сон, 244-модда; 2014 й., 2-сон, 20-модда; 2017 й., 28-сон, 649-модда; Қонун ҳужжатлари маълумотлари миллий базаси, 01.06.2018 й., 09/18/396/1287-сон, 01.06.2018 й., 09/18/398/1288-сон, 11.06.2018 й., 09/18/434/1339-сон, 21.09.2018 й., 09/18/748/2024-сон, 23.05.2019 й., 09/19/424/3170-сон; 08.05.2020 й., 09/20/271/0565-сон; 28.12.2020 й., 09/20/810/1673-сон)