Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси

 
PISA ВА TIMSS ўртасидаги асосий фарқ 
PISA ва TIMSS дастурларининг асосий фарқи энг аввало уларнинг 
турли хил ёш ва синфлар тоифасида ўтказилишидан иборатдир. Масалан, 
PISA ўн беш ёшли ўқувчиларнинг билимларини баҳолашга қаратилган бўлса, 
TIMSS эса муайян ёшдаги ўқувчиларнинг эмас, балки тўртинчи ва 
саккизинчи синф ўқувчиларининг билим ва кўникмаларини баҳолайди. Шу 
билан бирга, TIMSS баҳолашлари ўқув дастурларига асосланган бўлса, PISA 
эса ўқувчилар эгаллаган билим ва кўникмаларини реал муаммоларни ҳал 
қила олишларини баҳолашга қаратилади. TIMSS айнан мактаб билимларни 
ўзлаштириш даражаларини баҳоласа, PISA билим ва кўникмаларни мактабда, 
уйда ва жамоатчилик орасида қўллай олиш даражаларига алоҳида эътибор 
қаратади. 
 
1.2. PISAни бошқариш 
PISA бошқаруви 
PISA дастурининг фаолияти PISA бошқарув кенгаши қарори асосида, 
лойиҳада иштирок этаётган давлатларнинг таълим соҳасидаги бошқарув 
органлари масъуллигида ишлаб чиқилган ва амалиётга жорий қилинган 
дастур асосида ташкил этилади. 
Кенгаш таркибига барча ИҲТТга аъзо давлатлар, шунингдек 
шерикчилик мақомидаги ҳамкор давлатлар кирадилар. Бугунги кунда 
шерикчилик мақомга фақатгина Бразилия сазовордир. Давлатлар Кенгашга 
ўзларининг таълим сиёсати ва амалиёти ҳамда ўқувчиларни баҳолаш 
борасида юқори илмга эга бўлганларни вакилликка тавсия этади. Кенгаш 

---

12 
таркиби ҳукуматнинг расмийлари ва илмий-педагог, тадқиқот ходимлари ва 
академик институтлардан ташкил топган. 
Кенгаш PISA учун сиёсатнинг устувор йўналишларини белгилайди ва 
амалга ошириш жараёнида ушбу устуворликларга риоя этилишини назорат 
қилади. 
Бу фаолият маълумотлар тайёрлаш, таҳлил қилиш ва ҳисобот 
беришнинг устувор йўналишлари ва стандартларини белгилаш, шунингдек, 
PISAни амалга ошириш учун асос бўладиган иш ҳажмини аниқлашни ўз 
ичига олади. 
PISAнинг 
техник соғломлигини таъминлаш мақсадида ўзида 
намуналаштириш, сўровномалар тузиш, ўлчаш ва таҳлил қилиш каби PISA 
тадқиқот усулларини қўллаб қувватлайдиган дунёга машҳур экспертларни ва
мутахассисларни жамлаган Техник Маслаҳат Гуруҳи
(TМГ) Иқтисодий 
Ҳамкорлик ва Тараққиёт Ташкилоти томонидан тайинланган. Техник 
маслаҳат гуруҳи мунтазам равишда PISA чоп маълумотларда ўзга 
мамлакатларнинг натижалари ва PISA усулларига маълумотларнинг 
ишончлилиги ва халқаро миқёсда таққосланишига оид қарорлар қабул 
қилинишида иштирок этадилар.