Œзбекистон республикаси

VII–МАЪРУЗА

ЭЛЕКТР ТАРМОҚЛАРИДА ЭЛЕКТР ЭНЕРГИЯ ИСРОФИ

Режа:

1. 
   Электр тармоқларида электр энергия исрофини камайтириш йўллари.
   
2. 
   Тармоқ ва истеъмолчиларининг иш ҳолатини бошқариш.
   
3. 
   Электр энергия исрофини камайтиришнинг техник тадбирлари.
   
4. 
   Назорат саволлари.
   

1. Электр тармоқларида электр энергия исрофини камайтириш йўллари

Бу тадбирлар бошланғич маълумотларнинг тўплаш, исрофларни ҳисоблаш, исрофларни камайтириш эффектив усулларини аниқлаш, ташкилий–техник тадбирларни жорий этиш ва тадбирларни натижаларини текширишни ўз ичига олади. ЭҲМ ни қўллаб исрофларни ҳисоблашнинг ҳар хил усуллари мавжуд.
Ҳамма вақтларда ҳам ҳисоблар аниқ бўлмаслиги мумкин, аммо мақсад битта–тармоқда электр энергия исрофининг ҳақиқий даражасини аниқлаш, исрофни камайтириш усулларини топиш.
Корхона ишчи ходимларининг олдидаги асосий масала бошланғич маълумотлар ва исрофлар ҳисобининг аниқлигини таъминлаш, ишлаб чиқарилган тадбирларни жорий қилиш учун материал–техник таъминотни таъминлаш, РПН қурилмаларини тадбиқ қилиш, комплект конденсатор қурилмалари ва салт ишлаш чегаралагичларини ўрнатиш.
Тадбирларни жорий этишни режалаштиришда биринчи навбатда капитал маблағ талаб қилмайдиган усуллар қўллаш керак. Капитал маблағ талаб қилувчи тадбирларни қўллашда энг эффектив тадбирни танлаб, унинг қопланишини кўзда тутиш керак.
Шуни эсда тутиш лозимки, электр энергия исрофи камайтириш мақсадида тармоқнинг ўтказиш қобилиятини ошириш, электр энергия сифатини ошириш ва электр таъминоти ишончлилигини таъминлашдир.
Ёпиқ корхоналар учун тармоқдаги исрофларни камайтириш тадбирларини қуйидаги гуруҳларга бўлиш мумкин:

1. 
   Электр тармоқларини кенгайтириш билан юкламалар ўсишини эътиборга олиб тармоқларнинг ўтказиш қобилиятини оширишнинг капитал маблағлар билан боғлиқлиги.
   
2. 
   Тармоқ иш ҳолатини бошқариш, бунда капитал ҳаражатлар бўлиши ёки бўлмаслиги ҳам мумкин.