¤збекистон республикаси

УАШ тактикаси

• 
  Юқори нафас йўллари инфекцияси билан боғлиқ ўткир конъюнктивитни «сунъий ёш» препаратлари билан даволаш мумкин.
  

Кам йирингли конъюнктивитни (вирусли ёки бактериал) даволашда антибиотик тайинланади.
Хлорамфеникол кўз томчилари 4-6-8- марта кунига тавсия этилади. Таркибида фузидин кислота бўлган суртмалар кунига 2 марта суртилади.
Ципрофлоксацин ёки норффлоксацин кўз томчиларини қўллаш мумкин, лекин булардан даволаш қийинроқ бўлган инфекцияларни даволашда фойдаланган маъқул.
Аллергик конъюнктивитнинг давоси:
а) асосий препарат – кромоглицин кислотали кўз томчилари;
б) маҳаллий қўлланиладиган антигистамин препаратлар;
в) қон томирларини торайтирувчи препаратларни қўллаш ярамайди;
г) кучли аллергияли беморни мутахассисга йўллаш талаб этилади. 1 хафта давомида маҳаллий антибиотиклар билан ўтказилган даво самара бермаса ташхисни қайта кўриб чиқиш керак.
Қуйидаги сабаблар бўлиши мумкин:
а) вирусли инфекция;
б)турғун бактериал микрофлора (м-н гонококкли инфекция) келтириб чиқарган инфекция;
в) хламидияли инфекция (чақалоқларда конъюнктивит билан оғриган чақалоқлар ҳаётининг биринчи хафтаси охирида пайдо бўлади);
г) ёш йўлларининг торайиши (кўпинча 6 ойликгача бўлган болалардаги қайталанувчи конъюнктивит сабаби);
д) нотўғри ташхис.
Чақалоқларда хламидли конъюнктивит аниқланадиган бўлса, она ва боладан бактериал текширувга материал олиш зарур. Иккаловларига ҳам ичишга эритромицин буюрилади.
Атипик ёки оғир симптоматикали ҳолларда офтальмолог маслаҳати буюрилади.


ОшҚозон-ичак трактининг (ОИТ) энг кЎп тарҚалган
патологик Ҳолатлари


Гастроэзофагеал рефлюкс

Гастроэзофагеал рефлюкс (ГЭР) – бу ошқозон ичидаги овқатнинг қизилўнгач дистал бўлимига чиқариб ташланиши.

Асосий ҳолатлар

• 
  Кўпинча болалар ҳаётининг биринчи ойларида учрайди (50% ҳолларда). ГЭР ошқозон-ичак тракти моторикасининг етарлича ривожланмаганлик кўриниши ҳисобланади. Патологик ҳам бўлиши мумкин.
  

Рефлюкснинг пайдо бўлишига ёрдам берувчи омиллар: ошқозон бўшалишининг тутилиши, қизилўнгач перистальтикасининг ўзгариши, ошқозон кенгайиши, қизилўнгачнинг қисқалиги.


Диагностикаси

• 
  Қайт қилиш – эмизикли болаларда кўп кузатиладиган симптом бўлиб, ҳеч оғриқсиз ва қийналишсиз овқат еб бўлгандан кейин ёки бир неча соатдан кейин оғзидан бир оз миқдордаги творога айланган сут оқишидаги кўринишида содир бўлади.
  

Каттароқ ёшдаги болаларда енгил пайдо бўладиган қусиш, жиғилдон қайнаши, дисфагия, овқатни жуда секин чайнаш, оғиздан бадбуй ҳид келиш кузатилади.
Узоқ сақланадиган ГЭР қатор асоратларга олиб келиши мумкин: рефлюкс, эзофагит, анемия, жисмоний ривожланишда ортда қолиш, аспирация, рецидивланувчи зотилжам, бронхиал астма, апноэ, болаларнинг тўсатдан ўлиш синдроми.